Bıyl anyqtalǵan qylmystardyń sany 13 paıyzǵa artty - Qarjy polıtsııasy
ASTANA. 2 qazan. QazAqparat - Taldaý jumystaryndaǵy jańasha ádister qarjy polıtsııasy qyzmetiniń tıimdiligin aıtarlyqtaı joǵarylatty. Bul týraly Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Ekonomıkalyq qylmys jáne sybaılas jemqorlyqqa qarsy kúres agenttigi Aqparattyq-taldaý departamentiniń basshysy Oljas Bektenov aıtty.
«Men joǵaryda atap ótkendeı, barlyq bólimshelerdi uıymdastyrýshylyq jáne mamandyq kúsheıtý boıynsha qabyldanǵan sharalarmen birge, taldaý jumystaryna jańasha ádisterdi engizý qarjy polıtsııasy qyzmetiniń tıimdiligin aıtarlyqtaı joǵarylatýǵa múmkindik berdi. Máselen, aǵymdaǵy jyldyń 8 aıynda anyqtalǵan qylmystardyń sany 13 paıyzǵa artty (6481- den 7353-ke). Anyqtalǵan zalal somasy 107 mlrd. teńgeden asty», - dedi departament basshysy.
Onyń sózinshe, tyıym salynǵan múlikterdi esepke alǵanda, jalpy zalal somasynyń jartysynan kóbisi bıýdjetke qaıtaryldy.
