Bıyl «Altyn belgige» 8 506 oqý úzdigi úmitker
NUR-SULTAN. QazAqparat - Bıyl «Altyn belgige» 8 506 oqý úzdigi úmitker bolyp otyr. Mundaı derek QR Bilim jáne ǵylym mınıstrliginiń Telegram paraqshasynda jarııalanǵan aqparatta keltirilgen, dep habarlaıdy QazAqparat tilshisi.
Vedomstvo málimetinshe, qazirgi tańda Qazaqstanda 7 412 mektep bar. Olarda 3 349 069 bala oqıdy. Osy jyly 9 synyp túlekteri - 266 897, 11 synyp túlekteri - 144 706 bala boldy. Túrkistan oblysynda túlekterdiń sany eń kóp – 24 myńnan astam. «Altyn belgige» 8 506 oqý úzdigi úmitker bolyp otyr.
Ulttyq biryńǵaı testileýge 130 myńnan astam adam qatysady. Onyń ishinde 111 017 bala - bıylǵy oqý jylynyń mektep túlekteri, 20 454 bala - kolledj jáne ótken oqý jyldarynyń mektep túlekteri.
