Bıyl «Altyn belgiden» úmitkerlerdiń 65 paıyzdan astamy ǵana óz bilimderin qýattady
ASTANA. 28 maýsym. QazAqparat /Gúlnár Jandaǵulova/ - Aǵymdaǵy jyly Ulttyq biryńǵaı testileý barysynda «Altyn belgiden» úmitkerlerdiń 65 paıyzdan astamy ǵana óz bilimderin qýattady, dep habarlady Bilim jáne ǵylym mınıstrliginiń baspasóz qyzmetinen.
"Altyn belgige" úmitkerlerdiń jalpy sany - 5 037 túlek boldy, onyń 4 982-si testileýge qatysty, 3 259-i, ıaǵnı 65,4 paıyzy - ózderiniń úzdik bilimderin rastady. Úzdik bilimderin rastaı almaǵandardyń sany - 1720, onyń ishinde bir pán boıynsha - 996 túlek rastaı almady. 450 mektep bitirýshige "Altyn belgi" belgisin rastaýǵa 1 ball jetpeı qaldy. Biraq olarǵa úzdik attestat beriledi.
