Bıyl alty aı ishinde tótenshe jaǵdaı bolǵan aımaqtardan 590 adamnyń denesi shyǵaryldy – TJM

ASTANA. QazAqparat – Bıyl jarty jylda «112» biryńǵaı kezekshilik-dıspetcherlik qyzmetine 3 mıllıonnan astam qońyraý túsken, dep habarlaıdy QazAqparat tilshisi.

«Bıyl 6 aıda respýblıka boıynsha «112» biryńǵaı kezekshilik-dıspetcherlik qyzmeti pýltine halyqtan 3 249 259 qońyraý tústi. Shaqyrýlar boıynsha órt sóndirý jáne avarııalyq-qutqarý jumystary qyzmetiniń bólimsheleri jáne Respýblıkalyq jedel-qutqarý jasaǵy 5 188 (onyń ishinde Túrkııada - 7) adamdy qutqaryp, 6 188 turǵyndy evakýatsııalady. Zardap shekken 131 adamǵa alǵashqy medıtsınalyq kómek kórsetildi, tótenshe jaǵdaı oryndarynan 590 (onyń ishinde Túrkııada - 88) adamnyń denesin shyǵardy, 38 687 ret dabyl boıynsha shyqty, onyń ishinde órt - 5 556, avarııalyq-qutqarý jumystary - 7 556, órt retinde esepke alynbaıtyn janý - 21 927, kórineý jalǵan shaqyrtý - 115, rastalmaǵan janý faktileri - 1 537, basqalary - 1 578», - delingen mınıstrliktiń saıtynda jarııalanǵan jarty jyl ishindegi jumystardyń esebinde.

Vedomstvo qaramaǵyndaǵy «Apattar medıtsınasy ortalyǵy» zardap shekken 2 418 turǵynǵa medıtsınalyq kómek kórsetken. Sonymen qatar ortalyq mamandary 1 744 adamdy qutqaryp, 834 qazaqstandyqty evakýatsııalanǵan.

«Qazavıaqutqarý» AQ áýe kemeleri izdeý-qutqarý jumystaryna, órtterdi sóndirýge qatysý, jeke quramdy jetkizýge jáne basqa tapsyrystar boıynsha 1 195 ret ushty. Onyń ishinde sanıtarııalyq avıatsııa jelisi boıynsha 171 naýqas tasymaldandy», - delingen TJM-niń esebinde.