Bıyl Almatylyq oqýshylardy kitappen qamtý úshin 2, 658 mlrd teńge bólindi
ALMATY. QazAqparat - Almatyda oqýlyqtardy satyp alýǵa 2017 jyly jergilikti bıýdjetten 2 mlrd 658 mln teńge bólindi. Bul týraly búgin «Nur Otan» partııasynyń Almaty qalalyq fılıalynda «Mektepte aqsha jınaý máselesi» taqyrybynda ótken brıfıngte qalalyq Bilim basqarmasy basshysynyń orynbasary Lázzat Jylqybaeva aıtty, dep habarlaıdy QazAqparat tilshisi.
«Ata-analardy tolǵandyratyn máseleniń biri - oqýlyq. Bıylǵy jyly oqýlyqtar men oqý-ádistemelik keshenderdi alýǵa jergilikti bıýdjet esebinen 2 mlrd 658 mln teńge bólindi. Mekteptegi 1-synyptan 11-synypqa deıingi oqýshylar 100 paıyz tegin oqýlyqpen qamtamasyz etiledi. Jańartylǵan bilim mazmunyna kóshýge baılanysty 2-inshi, 5-inshi jáne 7-inshi synyp oqýshylary úshin jańa oqýlyqtar basylyp shyqty. 1-synyp oqýshylarynyń jazý dápterleri tolyq jańartylyp, tegin beriledi»,- dedi Lázzat Jylqybaeva.
Bilim basqarmasy basshysynyń aıtýynsha, ata-analar úshin ózekti máseleniń biri - aqyly synaq testileýler.
«Synaq testileýler mektepterde aqyly ótetini týraly aryz-shaǵymdardyń túsýine baılanysty, 2017 jylǵa synaq testileýdi eki ret ótkizý úshin jergilikti bıýdjetten 94 mln teńge bólindi. 4-11 synyptarǵa 2017 jyldan bastap baıqaý testileýi tegin ótkiziledi», - dedi ol.
Lázzát Jylqybaeva bilim basqarasynyń qatań baqylaýynda turǵan máseleniń biri 1-shi synypqa oqýshy qabyldaý ekenin aıtty.
«Oqý jylynyń basynda barlyq mektep dırektorlaryna 1-shi synypqa oqýshy qabyldaý úshin testileýden ótkizý, áńgimelesý, baqylaý, emtıhan alýǵa qatań tyıym salynǵany eskertildi. 1-shi synypqa balasy baratyn ata-analar úshin balanyń mektepke qalaı qabyldanatyny týraly aqparttyq-túsindirme qujattar saıttarǵa, mektepterge ilindi. Balany mektepke onlaın qabyldaý sharasy Almatyda alǵash ret 2015 jyly Jetisý aýdanynda júrgizildi. 2016 jyly Bostandyq, Túrkisib aýdanynda onlaın qabyldansa, 2017 jyly 1-shi synypqa qabyldaý almatynyń barlyq mektepterinde onlaın júrgizildi»,- dedi Lázzat Jylqybaeva.
Aıta keteıik, Almaty qalasynyń Bilim basqarmasy mektepte aqsha jınaýǵa qatań tyıym salynǵanyn eskertip, ata-analar komıtetiniń tıimdili basqarmanyń kún tártibinde turǵanyn málimdegen bolatyn. https://www.inform.kz/ru/mektepte-aksha-zhinagandarga-katan-shara-koldanylady-almatynyn-bilim-baskarmasy_a3069356
