Bıyl Almatydaǵy Medeý aýdanynda 2500 jańa jumys orny ashylady
Jıyn barysynda Medeý aýdany ákimi Erjan Jylqybaev ótken jyly atqarylǵan partııa jumysynyń qorytyndysyn jarııalady.
«Búginde «Nur Otan» partııasy - XXI ǵasyrdaǵy saıası kóshbasshy uıym, memleketti damýytýdyń qozǵaýshy kúshi. Bul - ortaq ıdeıaǵa birikken mıllıonnan astam qazaqstandyqtardyń saıası belsendi odaǵy. 20 jyldyq qyzmettiń qorytyndysyn shyǵara otyryp, partııanyń 2030 jylǵa deıingi baǵdarlamasyn talqylaýǵa shaqyramyn. Elbasy aıtqandaı, biz barsha azamattardyń ál-aýqatyn arttyrýǵa erekshe kóńil bólemiz»,- dedi Erjan Jylqybaev.
Aýdanda partııanyń 10 myńǵa jýyq belsendi múshesi bar, 63 bastaýysh partııa uıymy jumys isteıdi. Memleket basshysy aıtqan baǵdarlamalardyń der kezinde jáne múltiksiz oryndalýyna qoǵamdyq baqylaý turaqty uıymdastyrylyp keledi.
Baıandamashynyń aıtýynsha, aýdan ekonomıkasynda ilgerileýshilik bar. Partııa baǵdarlamasynyń kómegimen bıznesti qoldaý óristeýde. Búginde aýdan aýmaǵynda 11 200 kásiporyn ornalasqan. 2018 jyly shaǵyn jáne orta bıznes salasynda 4 myń jumys orny ashyldy. Ónerkásiptik ónim óndirisiniń kólemi 101 mlrd teńgege jetti. Salyq túsimi 2017 jylmen salystyrǵanda 26 mlrd teńgege ósip, 464 mlrd teńge boldy.
Bıyl aýdanda jańadan 2 500 jumys ornyn ashý josparda bar. Bul ótken jylmen salystyrǵanda 500 orynǵa artyq.
Sondaı-aq, konferentsııada Elbasynyń «Qazaqstandyqtardyń ál-aýqatynyń artýy: tabys pen ómir súrý sapasynyń artýy» Joldaýyn júzege asyrý aıasynda, jumyspen qamtý, eńbekaqyny ósirý máseleleri sóz boldy.
1 qańtardan bastap Medeý aýdanyndaǵy 530-dan astam qyzmetkerdiń eń tómengi jalaqysy 1,5 esege ósti. Bilim jáne medıtsına salasy qyzmetkerleriniń jalaqysy 35%-ǵa kóbeıdi. Aýdanda 11 medıtsınalyq mekeme 210 myń turǵynǵa qyzmet kórsetedi. Byltyr munda 1 mln adam qaralǵan. Densaýlyq saqtaý salasynda kórsetiletin qyzmetterdiń sapasy boıynsha Medeý aýdany besinshi jyl qatarynan Almaty qalasy boıynsha birinshi orynda tur. 2018 jyly jazǵy kezeńde aýdannyń 24 mektebinde jalpy somasy 62 mln teńgeden astam qarjyǵa jóndeý jumystary júrgizildi. Prezıdenttiń «Rýhanı jańǵyrý» baǵdarlamasyn iske asyrý aıasynda sońǵy eki jyl ishinde ótkizilgen aýdandyq «Oqýshylar forýmy» qorytyndysy boıynsha, júıeni damytýǵa 160 mln teńgeden astam jeke ınvestıtsııa tartyldy. Atalǵan qarajatqa sporttyq alańdar salyndy, mektep ǵımaratynyń qasbeti jóndeldi, mektep tehnıkasy satyp alyndy.
Aýdanda sońǵy 3 jylda qazirgi zamanǵy jaryqtandyrý jabdyqtarymen 400 aýla qamtyldy, eresekter men balalarǵa arnalǵan trenajerler ornatyldy, asfalt pen bordıýrlar jóndeldi. Bes jyl ishinde barlyq aýlalyq aýmaqtar, saıabaqtar abattandyryldy. Aldaǵy ýaqytta aýdanda gazdandyrý jumysyn tolyǵymen aıaqtaý, zamanaýı dıodtyq jaryqtandyrýǵa kóshý josparlanyp otyr.
Aıta keteıik, konferentsııa jumysyna «Nur Otan» partııacynyń depýtattyq fraktsııasynyń músheleri - QR Parlamenti Májilisi depýtaty Darhan Myńbaı, partııa aýdandyq fılıalynyń tóraǵasy, aýdan ákimi Erjan Jylqybaev, aýdandyq fılıal Saıası keńesiniń músheleri, partııa ardagerleri, Almaty qalalyq máslıhatynyń depýtattary, bastaýysh partııa uıymdar men BAQ ókilderi qatysty. Otyrys sońynda «Nur Otan» partııasy Almaty qalalyq fılıalynyń konferentsııasyna delegattar saılandy.
