Bıyl Almatyda jarty mıllıonǵa jýyq adam tumaýǵa qarsy tegin vaktsına alady
Almatyda 430 myń turǵyndy tumaýǵa qarsy vaktsınalaý josparlanǵan.
Olardyń arasynda:
- 65 jastan asqan 264 652 adam;
- sozylmaly aýrýy bar 125 549 adam;
- jıi aýyratyn 19 281 bala;
- 9 310 medıtsına qyzmetkeri;
- Júktiliktiń 2-shi nemese 3-shi trımestrindegi 7 472 júkti áıel;
- Jetim balalar men ata-anasynyń qamqorlyǵynsyz qalǵan balalarǵa arnalǵan bilim uıymdarynyń, sábıler úıiniń 2 289 balasy;
- medıtsınalyq-áleýmettik mekemeden qyzmet alatyn 1 447 adam bar.
«Qaýip tobyndaǵy adamdardy tegin vaktsınalaý úshin ár adam tirkelgen orny boıynsha emhananyń tirkeý bólimine habarlasyp, terapevtiń qabyldaýyna jazylýy qajet. Kataraldy qubylystardyń joqtyǵyn rastaý úshin terapevtiń tekserýinen ótken jón» delingen ákimdik taratqan habarlamada.
Qosymsha aqparat alý úshin 8 (727) 300-0505 nómirindegi call-ortalyqqa habarlasýǵa bolady.
Aıta keteıik, tumaýǵa qarsy vaktsına JRVI aýrýynyń ósimin azaıtý jáne tumaý vırýsynyń, koronavırýs ınfektsııasynyń taralýyna jol bermeý úshin qajet. Bul aýrý keıinnen pnevmonııaǵa deıin asqynýy múmkin.