Bıyl Almatyda respýblıka deńgeıinde eki aıtys ótkiziledi
ALMATY. QazAqparat - Almatyda ústimizdegi jyly respýblıka deńgeıinde qalanyń 1000 jyldyǵy men Qazaqstannyń Táýelsizdiginiń 25 jyldyǵyna arnalǵan eki aıtys sharasy ótkiziledi. Oǵan eń myqty degen aıtysker aqyndar shaqyrylady. Bul týraly búgin Almatyda qala turǵyndarymen bolǵan jyldyq eseptik kezdesý barysynda qala ákimi Baýyrjan Baıbek málimdedi.
«Elbasy tapsyrmasymen «Nur Otan» partııasy aıtys ónerin damytýdy qolǵa alǵan bolatyn. Óıtkeni, biz qazaq halqynyń rýhyn ózimizdiń tól ónerlerimiz arqyly kótermesek, álemdegi eń damyǵan 30 eldiń qataryna kire almaımyz. Sondyqtan, aıtys - ol máńgilik óner. Bıyl Almatyda respýblıka deńgeıinde eki aıtys ótkiziledi. Birinshi aıtys qalanyń 1000 jyldyǵyna arnalsa, ekinshi - «Altyn dombyra» aıtysy QR Táýelsizdiginiń 25 jyldyǵyna arnalady», - dedi B. Baıbek.
Aıta ketelik, bul aıtystardyń naqty ótkizilý kúnderi jáne júlde qory taıaý ýaqytta belgili bolady.
Qazylar alqasynyń tóraǵasy - KSRO halyq ártisi Asanáli Áshimov.
