Bıyl Almatyda nan baǵasy kóterilmeıdi

ALMATY. QazAqparat - Almatyda áleýmettik nan baǵasy 2020 jyldyń 1 aqpanyna deıin kóterilmeıdi. Bul týraly «Almaty» áleýmettik-kásipkerlik korporatsııasynyń» AQ basqarma tóraǵasy Asqar Bilisbekov aıtty, dep habarlaıdy QazAqparat tilshisi.

Asqar Bilisbekovtiń aıtýynsha, kelesi jyldyń aqpan aıyna deıin nan baǵasyn ósirmeý úshin birqatar kompanııalarmen memorandýmǵa qol qoıyldy.

«Taraptar 3000 tonna undy belgilengen baǵamen - 115 teńge jetkizetin boldy. Qazir qaladaǵy dúkenderge unnyń baǵasy 125 – 130 teńge aralyǵynda. Áleýmettik nan 2020 jyldyń 1 aqpanyna deıin 75-80 teńgeden aspaıtyn bolady. Osy baǵany ustap turý úshin biz qazir un óndiretin «Aizet Farms» JShS kelissózder júrgizýdemiz. ıAǵnı, biz bul kelisimdi uzartýdy josparalap otyrmyz», - dedi ol baspasóz máslıhatynda.

Sondaı-aq, ol keıbir jerlerde nandy joǵary baǵada satylyp jatqanyna qatysty pikir bildirdi.

«Men búkil qaladaǵy nan satatyn dúkenderdi jaýyp tastaı almaımyn. Mysaly, «Aqsaı nan» zaýytynyń qalada 200-ge jýyq saýda núktesi bar. Sol dúkenderden «Magnum» jelisiniń baǵasymen nan satyp alýǵa múmkindik bar, onda áleýmettik nan 69 teńgeden satylýda», - dep qosty ol.

Sonymen qatar, ol Almatydaǵy áleýmettik nan baǵasy respýblıkadaǵy eń tómen baǵa ekenin atap ótti. Qazirgi ýaqytta áleýmettik mańyzy bar taýarlarǵa baǵany ustap turý jumystary únemi jáne úzdiksiz júrgizilýde.