Bıyl Almatyda birneshe bazardy jańǵyrtý aıaqtalady
ALMATY. QazAqparat – Bıyl Almatyda «Rahat kz» bazarlary men «Alataý» bazarynyń 4 blogyn jańǵyrtý aıaqtalady. Bul týraly Óńirlik kommýnıkatsııalar qyzmeti alańynda ótken brıfıng barysynda Almaty qalasy Jetisý aýdanynyń ákimi Gúlnar Kókebaeva málimdedi, dep habarlaıdy QazAqparat tilshisi.
Jetisý aýdany - Almaty qalasynyń iri ónerkásiptik aýdandarynyń biri. Aýdanda 941 kásiporyn bar. Onyń ishinde 37 iri jáne ortasha kásiporyn jáne 904 shaǵyn kásiporyn jumys istep tur.
Statıstıka derekteri boıynsha 2020 jyly ónerkásiptik ónim óndirisiniń kólemi 212,3 mlrd teńge boldy. 2020 jyly bólshek saýda kólemi 743,7 mlrd teńge, kóterme saýda kólemi 1 trln teńge bolǵan. Byltyrǵymen salystyrǵanda jumys istep turǵan ShOB sýbektileriniń sany 8,7% - ǵa ósti.
Ákimniń aıtýynsha pandemııaǵa qaramastan, naryqtardy jańǵyrtý jáne ındýstrııalyq-ınnovatsııalyq jobalardyń arqasynda 2020 jyldyń qorytyndysy boıynsha negizgi kapıtalǵa 45,8 mlrd teńge ınvestıtsııa quıylǵan.
«Bıyl «Rahat kz» bazary men «Alataý» bazarynyń 4 blogyn jańǵyrtýdy aıaqtaý, sondaı-aq «Keremet» saýda úıiniń qurylysyn aıaqtaý josparlanyp otyr. 3 joba ınvestıtsııasynyń jalpy somasy 2,6 mlrd teńge bolǵan, 880 jańa jumys orny ashylady», - dedi Gúlnar Kókebaeva.
Bıyl jalpy ınvestıtsııa somasy 1,3 mlrd teńge bolatyn, 150 jumys orny bolatyn «Vıraj» avtosalonynyń qurylysyn aıaqtaý kózdelgen.
