Bıyl Almatyda alǵash ret qazaq tildi shákirtterdiń ortasha kórsetkishteri orys mektebine qaraǵanda 2 ballǵa joǵary boldy
ALMATY. 22 qyrkúıek. QazAqparat /Erlik Erjanuly/ - Mektep - til bolashaǵynyń basty býyny. Ony Almay qalasynyń ákimi Ahmetjan Esimov búgin "Ana tilim - ardaǵym" dep atalatyn festıvalde aıtty.
"Búgingi tańda Almaty qalasynda taza qazaq tilinde oqytatyn mektepterdiń sany 50-ge jetti. Osydan 20 jyl buryn - 7 mektep, 30 jyl buryn - 1 mektep qana bolatyn. Sońǵy 3 jyldyń ishinde 10-ǵa jýyq qazaq mektepteri ashyldy. Onyń barlyǵy jańadan salynǵan, tıptik jobadaǵy ǵımarattar. Taıaý jyldary taǵy da 7 qazaq mektebi shańyraq kóteredi. Aralas mektepterdi jeke bólip shyǵarý da jospary bar", - dedi A. Esimov.
Qala basshysynyń aıtýynsha, osydan 20 jyl buryn Almatyda qazaq mektepterinde oqıtyn balalardyń sany 8 myńdaı ǵana bolsa, bıylǵy oqý jylynda olardyń sany 70 myńnan asty. ıAǵnı, olar 9 esege jýyq ósti. Qazaq tilinde bilim berý sandyq jaǵynan ǵana emes, sapalyq jaǵynan da jetilip keledi. Bıyl "Altyn belgi" alǵan túlekterdiń 70 paıyzdaıy qazaq mektepterin támamdaǵan. Halyqaralyq olımpıadalarda júldeli oryn alyp, óz bilimderin álemdik dárejede tanytyp júrgenderdiń 73 paıyz qazaq mektebiniń oqýshylary. Ahmetjan Smaǵulynyń sózine qaraǵanda, bıylǵy Biryńǵaı ulttyq testileý boıynsha Almatyda ortasha kórsetkish 87 ball boldy. Birinshi ret qazaq tildi shákirtterdiń ortasha kórsetkishteri orys mektebine qaraǵanda 2 ballǵa joǵary boldy. "Budan bir kezderi qalyptasqan qazaq mektepteriniń bilim deńgeıi tómen degen qaǵıdanyń búgingi tańda ózgerýin kórýge bolady. Ol ary qaraı da júre beredi dep oılaımyn. Qazaq mektepterinde ózge ult ókilderiniń 1533 balalalary qazaqsha tálim-tárbıe alýda. Bul barynsha qoldap, úlgi-ónege etip kórsetetin qubylys", - deıdi A. Esimov.
