Bıyl Almatyda 5 jańa saıabaq ashylady

ASTANA. QazAqparat – Almatyda jyl sońyna deıin 320 myń kóshet otyrǵyzylady. Bul týraly qala ákimi Erbolat Dosaev aıtty, dep habarlaıdy QazAqparat tilshisi.

Bıyl jalpy aýdany 97 gektar bolatyn 5 jańa saıabaq qurý, qoldanystaǵy 5 saıabaqty qaıta abattandyrý jumystary júrip jatyr.

«Jas aǵashtardyń jaqsy sińisýi úshin bıiktigi keminde 2 metr qylqan japyraqty jáne 2,5 metr japyraqty kóshetter mindetti túrde kesegimen otyrǵyzylady. Bul 2023 jyldyń ózinde jańa kóshetterdiń qýraýyn 30%-ten 10%-ke deıin tómendetýge kómektesedi. Bıyl kóktemde jasyl qordy jańartý men qalypqa keltirý úshin 20 myń kóshet otyrǵyzyldy. Negizgi egý jumystary kúzgi kezeńde júzege asyrylady. Óıtkeni kúzde kóshetterdiń jaqsy sińisýi úshin jaǵymdy áser bolady», - dedi qala basshysy elordada ortalyq kommýnıkatsııalar qyzmetinde.

E. Dosaevtyń aıtýynsha, Almatyda jasyl jelekterdi otyrǵyzýdyń jańa erejeleri qabyldandy.

Endi kez kelgen jelekterdi otyrǵyzýda sýarýdy qamtamasyz etý eskeriledi.

Osylaısha, 2023 jyly barlyǵy 320 myń aǵash otyrǵyzylady. Sondaı-aq 2,3 mln aǵash 4 eselik bıologııalyq óńdeýden ótedi.