Bıyl Almatyda 26 myńǵa jýyq jumys orny ashylady
Qala ákimdigi baspasóz qyzmetiniń habarlaýynsha, «Jumyspen qamtý 2020 jol kartasy» baǵdarlamasy halyqty jumyspen qamtý máselelerin jedel sheshý maqsatynda ázirlendi jáne qosymsha jumys oryndaryn qurýǵa, áleýmettik, ınjenerlik-kóliktik ınfraqurylymdy jáne turǵyn úı-kommýnaldyq sharýashylyqty damytý, eldi mekenderdi abattandyrý boıynsha ınfraqurylymdyq jobalardy iske asyrý esebinen jumyssyz azamattar sanynyń ósýine jol bermeýge baǵyttalǵan sharalar keshenin anyqtaıdy.
«2020 jyly qala boıynsha barlyǵy 214 ınfraqurylymdyq jobany iske asyrý josparlanyp otyr, onyń ishinde kelesi jumys túrleri men obektiler bar: áleýmettik-mádenı obektilerdi kúrdeli jáne aǵymdaǵy jóndeý, qaıta jańartý; turǵyn úı-kommýnaldyq sharýashylyq obektilerin kúrdeli, ortasha jáne aǵymdaǵy jóndeý, qaıta jańartý; ınjenerlik-kólik ınfraqurylymyn kúrdeli, ortasha jáne aǵymdaǵy jóndeý, qaıta jańartý jáne salý» dep habarlady qalalyq ákimdik.
«Jumyspen qamtý 2020 jol kartasy» sheńberinde jumysqa shyǵýǵa daıyn azamattarǵa jumys ornyna kelgennen keıin birden 2 ETJ nemese 85 myń teńge mólsherinde «kótermeaqy» beriledi. Bul - turaqty jalaqyǵa qosymsha qarajat. Bul rette ortasha jalaqy mólsheri - 120 000 teńge.
Osylaısha jumyssyz almatylyqtar turaqty jumysqa ornalasý múmkindigine ıe bolady. Birinshi kezekte jumys mysaly, mektepter, aýrýhanalar nemese turǵyn úıleri jóndelip nemese qurylysy júrgizilip jatqan aýdanda turatyn azamattarǵa, memlekettik qarajat esebinen beriledi.
Barlyq 214 ınfraqurylymdyq jobany júzege asyrýǵa 103,9 mlrd teńge bólinedi. 26 myńǵa jýyq jumys orny qurylady.
Tolyq aqparatty Almaty qalasy jumyspen qamtý ortalyǵy saıtynan jáne myna telefondarǵa habarlasyp bilýge bolady: +7 (727) 224-20-00, 221-66-11
