Bıyl Almatyda 25 myń aǵash otyrǵyzylady
ALMATY. Naýryzdyń 23-i. QazAqparat /Erbol Azanbek/ - Bıylǵy jyly Almatyda 25 myń aǵash otyrǵyzylady, dep habarlaıdy QazAqparat.
Qalalyq tabıǵı resýrstar jáne tabıǵatty paıdalanýdy retteý basqarmasynyń bastyǵy Sultanbek Mákejanovtyń aıtýynsha, aǵashtardyń 90 paıyzy qurylys júrgizý úshin aǵashtardy kesýge alýǵa ruqsat alǵan kompanııalardyń esebinen otyrǵyzylady. Ótken jyly da qalada 19 myń kóshet otyrǵyzylǵan bolatyn. Onyń 5 myńy bıýdjet esebinen, qalǵany qurylys kompanııalarynyń esebinen egildi.
Qalada aǵash otyrǵyzý maýsymy naýryzdyń sońy men sáýirdiń basy bolyp jarııalanǵan. «Bul sharaǵa oqýshylar, stýdentter men mekemelerdiń qyzmetkerleri, sondaı-aq Almatynyń burynǵy baq qala atyn qaıtarǵysy kelgen kez-kelgen adam qatysa alady», dedi Sultanbek Mákejanov.
