Bıyl Almatyda 172 shaqyrym taý soqpaǵy abattandyrylady
Shatqalda jaılylyq pen qaýipsizdikti arttyrý úshin vızıt ortalyq salyndy, munda týrıster qajet aqparatty, taýda jaıaý serýendeıtin taýarlardy, kádesyılar men azyq-túlik ala alady.
Joba – sanıtarlyq-gıgıenalyq ortalyǵy, tamaqtaný pýnkti, jazǵy terrasasy jáne aqysyz Wi-Fi bar týrıstik aqparat ortalyǵy.
Munda ár týrıst týrıstik baǵyttar, soqpaqtar, ulttyq parktegi nysandardyń baılanys málimetteri týraly aqparatty alady.
Vızıt ortalyqta qaýipsiz demalystyń negizderin túsindirý úshin jabaıy tabıǵattyń «Tamyr» mektebi ashylǵan.
Eriktiler men kásibı alpınıster aqysyz dárister oqıdy. 700 týrıst qaýipsizdik jáne tabıǵatty qorǵaý boıynsha oqytýdan ótti.
Belsendi 20 qala turǵyny eriktiler qozǵalysynyń kóshbasshysy bolyp, ulttyq parkti kógaldandyrýǵa, taý joldary men alańqaıdaǵy tártipti saqtaýǵa kómektespek.
Baqytjan Saǵyntaev sonymen qatar Úlken Almaty shatqalyndaǵy Іle-Alataý ulttyq saıabaǵynda ekologııalyq týrızmdi damytý jobalarymen tanysty.
Vızıt ortalyqta aqparattyq qyzmet pen sanıtarlyq-gıgıenalyq qondyrǵyny ornalastyrý qarastyrylǵan. Konsýltanttar serýendeý erejesi, baǵyttar jáne erekshe oryndar týraly aıtyp beredi.
Sonymen qatar, Úlken Almaty ózenin tamashalaıtyn alań jabdyqtalady. Basty talap – aýyz sý kózi men irgeles aýmaqtyń ekologııalyq teńgerimin saqtaý.
Almaty taý klastarin damytý aıasynda sońǵy 4 jylda 1000 shaqyrymnan astam taýly baǵyt tsıfrlandyryldy.
Onyń ishinde uzyndyǵy 500 shaqyrym bolatyn 36 baǵyt abattandyryldy.
Tsıfrlandyrylǵan baǵyttar ınternet jelisinde jáne offlaın rejımde GPS Ranger jáne 2Gis navıgatorlarynda qoljetimdi.
2021 jyly qosymsha 172 shaqyrym taý soqpaǵyn jaqsartý josparlanyp otyr.
Qala ákimi Abaı atyndaǵy qazaq memlekettik akademııalyq opera jáne balet teatrynyń janyndaǵy saıabaqtyń abattandyrý jumysyn tekserdi.
Baqytjan Saǵyntaevtyń tapsyrmasy boıynsha qalanyń betkeustar nysanyn rekonstrýktsııalaýda obektiniń tarıhı jáne sáýlettik qundylyǵy saqtala otyryp ózgerister engizildi.
Atap aıtqanda, «4 chashı» fontany men «Kaskad» sýburqaq kesheniń syrty tazartylady jáne olar jaryqtandyrylady.
Sondaı-aq, «Nedelka» sýburqaq kesheni doǵasynyń syrtqy túri men elementteri qalpyna keltiriledi.
Sonymen qatar, teatrdyń basty kireberisindegi fontandar men shamdar qalpyna keltiriledi, kishi arhıtektýralyq pishinderdiń tarıhı stılderi retteledi.
Almaty qalasynyń ákimi Baqytjan Saǵyntaev jumys sapary kezinde áleýmettik qyzmet kórsetý úıiniń daıyndyǵyn tekserdi.
Ǵımaratty áleýmettik qyzmet kórsetý úıi retinde rekonstrýktsııalaý jobasy aıaqtalyp qaldy.
Qazirgi kezde jıhazdar men ıntererdiń qajetteri buıymdary qoıylýda.
Munda «bir tereze» qaǵıdaty boıynsha 42 memlekettik jáne 7 memlekettik emes qyzmet kórsetiledi.
Birinshi qabatta áleýmettik qyzmetter kórsetý úshin áleýmettik ál-aýqat, turǵyn úı saıasaty basqarmalarynyń, «Azamattarǵa arnalǵan úkimet» memlekettik korporatsııasynyń, BJZQ, memlekettik áleýmettik saqtandyrý qory, medıtsınalyq-áleýmettik saraptama bólimderiniń ókilderi ornalasady.
Joǵary qabatta beıindi basqarmalar jaıǵasady.
