Bıyl Almatyda 12 jańa óndiris iske qosylady
Almaty qalasy Kásipkerlik jáne ındýstrııalyq-ınnovatsııalyq damý basqarmasynyń habarlaýynsha, jobalar mashına jasaý, qurylys ındýstrııasy, farmatsevtıka, tamaq jáne hımııa ónerkásibiniń salalaryna jatady.
Bıyl skotch, tońazytylǵan qamyr, kabl ónimderiniń, medıtsınalyq maqsattaǵy ónimderdiń, polımerlik buıymdardyń jáne t.b. ónimderdiń óndirisi bastalady. Budan basqa, ónerkásip aımaǵynyń aýmaǵynda kókónis ósirý boıynsha jylyjaı kesheniniń, sondaı-aq tabıǵı tasty óńdeý boıynsha zaýytynyń qurylysy aıaqtalady. Bul týraly «Almatynyń ındýstrıaldy aımaǵy» JShS dırektory Ádil Bórlibaev aıtty.
Mysaly, «GROUP NAK 8» JShS tońazytylǵan qamyr shyǵaratyn kásiporyn ári qaraı nan, bólke, kishkentaı bálishter, maffınder, toqashtaǵy basqa ónimniń 60 túrin shyǵaratyn bolady. Zaýyt táýligine 2 myń kg tońazytylǵan ónim óndirýdi josparlap otyr.
Kásiporyn jartylaı daıyn ónimderdi qalanyń dámhanalaryna, meıramhanalaryna jáne qonaqúılerine taratý nıeti bar. Budan basqa, «Álmerek» JShS farmatsevtıkalyq kompanııasy shyny tútikter, qalaqshalar, gınekologııalyq aınalar sııaqty medıtsınalyq maqsattaǵy buıymdardy óndiretin bolady.
Indýstrııalyq aımaqta zaýyt qurylysyn salý kásiporynǵa óndiris alańyn 3 esege keńeıtýge múmkindik beredi.
Qurylysqa almatylyq kásipkerlerden basqa, sheteldik ınvestorlar da tartylyp jatyr.
«Bizge japon jáne qytaı kapıtaldarynyń qatysýymen jobalar usynyldy. Mysaly, óndiristiń ornyn aýystyrýdy jáne ony keńeıtýdi qaýipsizdiktiń ınjenerlik júıesin shyǵarý boıynsha «Tokyo Rope Almaty» JShS kásiporny júrgizýde, al «Asia Steel Pipe Company» kompanııasy úlken dıametrli bolat qubyrlarynyń óndirisi boıynsha zaýytynyń qurylysyn júrgizýde. Indýstrıaldy aımaqtyń 4 ga jerinde ornalasatyn zaýytty iske qosý úshin japon kompanııasy shamamen 3,6 mlrd teńge saldy. «Asia Steel Pipe Company» kólemi 33 mlrd teńgeni quraıtyn 17,6 ga jer telimin aldy», - dedi aımaq dırektory.
Onyń aıtýynsha, aımaqtyń daıyn ınfraqurylymy bar jer telimin alý rezıdentter úshin tıimdi múmkindik bolyp otyr.
Rezıdent jer telimin 3 jylǵa deıin jalǵa ala alady, ony jekemenshikke satyp ala alady jáne jer telimin zattaı grant retinde, ıaǵnı tegin ala alady.
Budan basqa Ádil Bórlibaev Almatynyń Indýstrıaldy aımaǵynyń bıznespen qatar, qalalyqtar úshin de mýltıplıkatıvtik tıimdiligi týraly aıtyp berdi. Atap aıtqanda, kásiporyndy iske qosý shamamen 5 myń jumys ornyn qurýǵa múmkindik beredi, óndiriletin ónim ishki naryqta ótkiziletin bolady, bul ımportty aýystyrý máselesin ishinara sheshedi.
Sondaı-aq, kóptegen kásiporyndar eksportqa baǵyttalǵan, taýarlardy alys jáne jaqyn mańdaǵy shetelderge jetkizý júzege asyrylatyn bolady.
«Mundaı aýqymdy jobanyń maqsaty - Almaty aglomeratsııasynyń sheńberinde ónerkásip kásiporyndaryn qaladan tys jerge shyǵarý. Keleshekte bul qalanyń ortalyq aýdandaryndaǵy kólik júktemesin tómendetedi jáne qalanyń ekologııalyq jaǵdaıyn jaqsartady, - dep qorytyndylady Bórlibaev.