Bıyl Almatyda 12 myńǵa jýyq túlek mektep bitiredi

ALMATY. QazaAqparat – Bıyl Almatyda 12 myńǵa jýyq túlek oqýlaryn aıaqtaıdy, dep habarlaıdy QazAqparat tilshisi.

Bıyl epıdemıologııalyq jaǵdaıdyń jaqsarýyna oraı sońǵy qońyraý bolady.

«Almatynyń barlyq mektebinde sońǵy qońyraý merekesi 2022 jylǵy 25 mamyrda ótedi. Attestat saltanatty túrde 2022 jylǵy 16-17 maýsymda tapsyrylady. Bıyl Almatyda 12 myńǵa jýyq túlek mektep bitiredi»,- dep habarlady qalalyq bilim basqarmasynan.

Bilim jáne ǵylym mınıstrligi mektep bitirý keshin meıramhanada ótkizýge tyıym saldy.

Almaty qalasynda 287 jalpy bilim beretin mektep jumys isteıdi, onyń ishinde 207 memlekettik jáne 80 jeke menshik. 2021-2022 oqý jylynda 1-synyptan 11-synypqa deıingi oqýshylardyń sany 300 myńǵa jýyq.