Bıyl Almaty oblysynda jel energetıkasyna qatysty eki jobany júzege asyrý kútiledi

Búgin «Qazaqstannyń Eýropa elderimen saýda-ekonomıkalyq yntymaqtastyǵynyń perspektıvalary» atty taqyrypta ótken konferentsııa barysynda Munaı jáne gaz vıtse-mınıstri (burynǵy Energetıka jáne mıneraldyq resýrstar mınıstrligi) Áset Maǵaýov osylaı málim etti, dep habarlaıdy QazAqparat.

«Byltyr Qazaqstan «Jańartylatyn energııa kózderin qoldaý týraly» zańdy qabyldaǵan bolatyn. Buǵan sáıkes, sheteldik memleketterdiń tájirıbesi boıynsha normatıvtik-quqyqtyq aktiler bazasy ázirlenýde. Sonymen birge, bıyl jel energetıkasyna qatysty Almaty oblysynda eki joba júzege asatyny kútiledi, onyń ishinde Jońǵar qaqpasynda 50 mGVt qýatyn quraıtyn joba da qarastyrylady», dedi vıtse-mınıstr.

Onyń aıtýynsha, balama energııa kózderin damytý jobalaryn qarjylandyrý memlekettik bıýdjetten qarastyrylmaıdy, ınvestorlardyń qarajatyn tartýdyń basqa joldary kózdeledi. Sonymen birge, zań boıynsha bundaı nysandardy qarjylandyrýǵa baǵyttalǵan ınvestıtsııalyq preferentsııalar da qamtylady.

«Energetıkalyq tıimdilik pen energııany únemdeý jáne jańartylatyn energııa kózderi salasynda Qazaqstannyń EO elderimen yqpaldastyǵy ekologııalyq qaýipsizdik turǵysynan mańyzdy bolyp tabylady», dedi Á. Maǵaýov.