Bıyl Almaty oblysynda 600-den astam mas júrgizýshini anyqtalǵan
TALDYQORǴAN. QazAqparat - Almaty oblysynda byltyrǵy jylmen salystyrǵanda bıyl jol-kólik oqıǵasynyń 28,2 paıyzǵa tómendegen, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, bıyl óńirde kólik apaty azaıyp, sonyń saldarynan qaıtys bolǵandar sany da 33,2 paıyzǵa kemigen. Temir tulparyn alkogoldik nemese esirtkige masań kúıde basqarǵan 621 júrgizýshi ustalyp, is materıaldary sot organdarynyń qaraýyna joldandy.
Oblystyń polıtseıleri bıyl jol qaýipsizdigin qamtamasyz etýde 108 myńnan astam ákimshilik quqyq buzýshylyq anyqtaǵan.
Sonymen qatar, jol saqshylarynyń kómegimen 1 500-den astam qylmys ashylǵany belgili boldy, bul kórsetkish byltyrǵy jylmen salystyrǵanda 14,2 paıyzǵa jaqsardy.
