Bıyl Almaty oblysynda 28 mektep salynady
TALDYQORǴAN. QazAqparat - Almaty oblysynda bıyl 28 mekteptiń qurylysy josparlanǵan. Onyń 19-y – úsh aýysymdyqty boldyrmaý maqsatynda salynady, - dep habarlaıdy QazAqparat tilshisi.
Sonymen qatar jeti mektep iske qosyldy. Sonyń tórteýi úsh aýysymdy mektepterdiń ornyna paıdalanýǵa berildi. Bul týraly búgin Ortalyq kommýnıkatsııalar qyzmetinde ótken brıfıng barysynda Almaty oblysynyń ákimi Amandyq Batalov aıtty.
«Bilim berý salasynda pedagogtarǵa, oqýshylar men stýdentterge qashyqtan oqý men jumys isteý tehnologııalaryn meńgerýge týra keldi. Biz oblys boıynsha 81 myń kompıýter satyp alýǵa, 12,3 mlrd. teńge bóldik, 24 myń mektep kompıýteri muqtajdarǵa ýaqytsha paıdalanýǵa berildi. Demeýshiler qarjysy esebinen qosymsha 2110 birlik orgtehnıka berildi», - dedi A. Batalov.
Sol sııaqty ol óz sózinde 3 pen 6 jas aralyǵyndaǵy balalardy mektepke deıingi mekemelermen qamtý deńgeıi 98% jetkenin de atap ótti. «Taǵy 166 balabaqsha ashyp, qamtý deńgeıin 2022 jylǵa qaraı 100%-ǵa jetkizemiz», - dedi spıker.
