Bıyl Almaty oblysynda 1500-den asa órt tirkelip, 28 adam kóz jumdy
TALDYQORǴAN. QazAqparat - Bıyl Almaty oblysynda 1500-den asa órt tirkelip, 28 adam kóz jumdy. 79 adam ártúrli dene jaraqattaryn alǵan, -dep habarlaıdy «QazAqparat» HAA tilshisi.
Mamandardyń aıtýynsha, órttiń basym bóligi jeke turǵyn úılerde bolǵan. Bul jóninde oblystyq tótenshe jaǵdaılar departamentiniń ókilderi arnaıy brıfıng barysynda málim etti.
Olardyń aıtýynsha, jeltoqsan aıy bastalǵaly departament qyzmetkerleri kúsheıtilgen jumys kestesine kóshken. Sebebi, jańa jyl qarsańynda órt shyǵý qaýpi artady.
Oblys aýmaǵynda qaýipsizdikti qamtamasyz etý maqsatynda "Qaýipsiz jańa jyl" sharasy ótýde. Shara aıasynda jarylǵysh pırotehnıkalardy zańsyz satýshylarmen kúres júrgizilip, taýarlar tárkilenýde. Ótken táýliktiń ózinde 37 qorap pırotehnıkalyq zat tárkilenip, 25 AEK mólsherinde 10 adamǵa aıyppul salyndy.
Aıta ketý kerek, arnaıy ruqsat qaǵazy joq azamattardan otshashý, bengal shamdary syndy dúnıelerdi satyp alý óte qaýipti. Oqys oqıǵa bolǵan jaǵdaıda eshkim jaýap bermeıdi. Jáne olarǵa eshqandaı kepildik joq. Sondyqtan mamandar, otshashýlardy qujaty bar jerlerden satyp alýǵa keńes beredi.
