Bıyl Almaty oblysy joldarynda 110 adam kólik apatynan mert bolǵan
TALDYQORǴAN. QazAqparat - Bıyl Almaty oblysynyń joldarynda 110 adam kólik apatynan mert bolǵan. Al 1076 adam túrli dene jaraqatyn alyp, zardap shekken, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, sońǵy tórt aıda óńir joldarynda 677 kólik apaty bolǵan.
Máselen, «Almaty-Bishkek» jolynda 52 apat bolyp, 13 adam qaza tapqan, 87 adam zardap shekken.
Al, «Almaty-Óskemen» 46 kólik apaty tirkelip, 19 adam kóz jumdy, 88 adam túrli dárejede dene jaraqatyn alǵan.
«Almaty-Kókpek-Kóktal-Qorǵas» (44 kólik apaty, 11 adam kóz jumdy, 77 adam zardap shekti).
«Almaty-Taǵlar-Esik-Malovodnoe» (33 kólik apaty bolǵan, 4 adam qaıtys boldy, 41 adam zardap shekken).
«Almaty-Nur-Sultan» (22 kólik apaty, qaıtys bolǵandar sany - 8, 29 adam túrli dene jaraqatyn alǵan).
Vedomstvonyń baspasóz qyzmeti kólik júrgizýshilerge jolda barynsha abaı bolyp, jyldamdyqty asyrmaı, jol erejesin saqtaýdy eskertedi.
