Bıyl Almaty oblysy aýmaǵynda jańa qoqys óńdeý polıgony ashylady
ALMATY. 9 aqpan. QazAqparat /Erbol Azanbek/ - Bıyl Almaty oblysynyń aýmaǵynda qatty qaldyqtardy óńdeý men saqtaýǵa arnalǵan zamanaýı polıgonnyń qurylysy bastalady.
Bul týraly búgin Almaty qalasynyń ákimi Ahmetjan Esimov turǵyndarmen kezdesýi barysynda aıtty.
Qala ákiminiń aıtýynsha, Almatynyń qoqystary atalǵan polıgonda óńdelip, saqtalady. Ákim óz sózinde qala turǵyndary densaýlyǵynyń jaqsarýy men ómir súrý sapasynyń artýy qalanyń ekologııalyq jaǵdaıyna baılanysty ekendigin aıtty.
«Aldaǵy jyly ınvestorlardy tartý arqyly Aeroporttyq jáne Saıran kólderin kógaldandyrý, Úlken jáne Kishi Almaty ózenderin keıbir bólikterinde, sondaı-aq Baým baǵynyń jaǵajaılyq bóliginde jóndeý jumystaryn júrgizý kózdelip otyr. Qazirgi kezde jańa sýburqaqtardy salý men eskilerin jóndeý, uzyndyǵy 60 shaqyrymdyq aryq salý jumystary júrgizilýde», - dedi qala ákimi.
«Sondaı-aq ǵımarattardyń qasbetterin kógaldandyrý, kóshelerde gúldendirý, kógaldandyrý jumystaryn júrgizý de jalǵasady. Meniń oıymsha, bunyń bári qalamyzdyń kelbetin árlep, ekologııalyq jaǵdaıǵa oń áser etedi dedi»,- A. Esimov.
