Bıyl Almaty oblysy ákiminiń bilim granty kóbeıedi
TALDYQORǴAN.QazAqparat - Byltyr Almaty oblysy ákiminiń 100 bilim granty bólinse, bıyl bul kórsetkish eki esege ósedi, dep habarlaıdy QazAqparat tilshisi.
Oblystyq bilim basqarmasy basshysynyń orynbasary Maıgúl Omarovanyń aıtýynsha, tegin bilim grantyna oblystyń kez-kelgen túlegi úmitker bola alady.
«Eger túlek jınaǵan UBT degi balymen JOO-na túse almasa, bizdiń ákiminiń grantyna qatysýǵa múmkindigi bar. Arnaıy komıssııaǵa qujattaryn ótkizedi. Biz bıyl aýylsharýashylyq, tehnıkalyq jáne pedagogıkalyq mamandyqtarǵa basymdyq berip otyrmyz. Jáne otbasylyq jaǵdaıy tómen túlekterdiń jaǵdaıyna qarap, olardyń tegin bilim alýyna barynsha qoldaý kórsetemiz. Al túlekter ákimniń granty arqyly elimizdiń kez-kelgen JOO-na túse alady», - dedi M.Omarova.
Jalpy bıyl Almaty oblysy boıynsha 16 myńnan astam oqýshy mektep bitiredi. Onyń 13 mynnan astamy qazirden UBT-ge qatysýǵa nıet bildirgen.
«Ótken jyly 8000-nan astam oqýshy JOO tússe, sonyń 3800 túlegi grant ıegeri bolǵan. Bıyl sol mejeden asamyz degen oıdamyz. Sebebi oblys ákimi tarapynan ótken jyly 100 bilim granty bólinse, bıyl qosymsha taǵy 100 grant bólý josparlanǵan», - dedi M.Omarova.
