Bıyl Almaty kóshelerine jańa 40 baǵdarsham ornatylady
ALMATY. QazAqparat - Bıyl Almaty kóshelerine jańa 40 baǵdarsham ornatylady. Bul týraly qalanyń bas polıtseıi Qanat Taımerdenov esep berý jıynynda aıtty, dep habarlaıdy QazAqparat tilshisi.
Onyń aıtýynsha, jol qaýipsizdigi - Almatydaǵy ózekti máselelerdiń biri.
«Polıtsııa departamenti qalada jol qaýipsizdigin qamtamasyz etýge erekshe nazar aýdarady. 2020 jyly júrgizilgen jumystardyń nátıjesinde jol-kólik oqıǵalarynyń sany 25,9%-ǵa azaıdy. Taǵy bir aıta ketetin jaıt, jol qozǵalysyn basqarýdy jetildirý men jol qaýipsizdigin arttyrýdyń 2021-2023 jyldarǵa arnalǵan keshendi jospary bekitildi. Kólik apattaryn azaıtý maqsatynda «Vision Zero Almaty» jobasy men keshendi jospar aıasynda 2021 jyly 70 jaıaý júrginshiler ótkeli salynady»,- deıdi Qanat Taımerdenov.
Sonymen qatar, ol qalada jańa 40 baǵdarsham ornatylatynyn jetkizdi.
«Bıyl Almaty kóshelerine 40 baǵdarsham nysany ornatylady. Sonymen qatar, 3 myńnan astam jol belgileri qoıylyp, aýystyrylady. Bul apat deńgeıin 15-20% tómendetýge jáne ekologııalyq jaǵdaıdy 10% deıin jaqsartýǵa múmkindik beredi», - dep qorytyndylady Qanat Taımerdenov.
