Bıyl «Almaty-Qorǵas» avtomobıl joly arasynda ótkizý pýnkti ashylady
ASTANA. QazAqparat - «Almaty-Qorǵas» avtokólik joly arasyndaǵy «Nur joly» ótkizý pýnktiniń qurylysy bıylǵy maýsymda aıaqtalatyn boldy, dep habarlaıdy «QazAqparat» HAA tilshisi.
Jańa ótkizý pýnkti týraly Úkimet otyrysynda QR Investıtsııalar jáne damý mınısti Jeńis Qasymbek aıtyp berdi. «Almaty-Qorǵas» avtokólik joly ýchaskesinde (Batys Eýropa - Batys Qytaı) «Nur joly» ótkizý pýnktin salý jáne paıdalaný» memlekettik-jekeshelik áriptestik jobasynyń jalpy quny 98,2 mlrd teńge.
«2017 jyldyń 26 jeltoqsanynda Qarjy mınıstrligi men «Evrotranzit Terminal» JShS arasynda «Almaty-Qorǵas» avtojoly ýchaskesinde ótkizý pýnktin salý men paıdalaný jónindegi memlekettik-jekeshelik áriptestik shartyna qol qoıyldy. Qurylys bıyl ekinishi toqsanynda aıaqtalady», - dedi mınıstr.
Jeńis Qasymbektiń aıtýyna qaraǵanda, «Nur joly» 2026 jylǵa deıin paıdalanylmaq. Jańa ótkizý pýnkti Qazaqstan men Qytaı arasyndaǵy shekarada avtokólik ótkizý qabiletin táýligine 2500-ge deıin ulǵaıtýdy qamtamasyz etedi.
