Bıyl Almaty qalasynda 5 ınfraqurylymdyq joba júzege asyryldy

ALMATY. 28 jeltoqsan. QazAqparat /Erlik Erjanuly/ - Almaty qalasynyń energokeshenin damytý jónindegi memorandýmdar aıasynda 14 ınfraqurylymdyq joba jasalǵan. Bıyl onyń beseýi júzege asyryldy. Bul týraly búgin Almatyda ótken "Memlekettik tapsyrys-2011" aktsııasynda aıtyldy.

"Bıyl júzege asyrylǵan 5 jobanyń quny 22 mıllıard teńgeni quraıdy. Qazir ózge jobalar boıynsha qarjylandyrý máselesi ashyq qalyp otyr. Sonyń biri - 2-Jylý elektr ortalyǵyn keńeıtý. Ol 39 mıllıard teńgege baǵalanyp otyr. 2011 jyly 9,9 mıllıard teńge bólý josparlanýda", -deıdi Almaty qalasy ákiminiń orynbasary Erbol Shormanov.

Onyń aıtýynsha, bul ekinshi jáne birinshi jylý elektr ortalyqtaryn jalǵastyratyn magıstral qurlysynyń bir bóligi. Qazir magıstral qurylysy qarqyndy júrip jatyr. Endi 2-JEO jylý alý úshin 1-JEO qalpyna keltirý kerek. 7-Qysqy Azııa oıyndary ótetin sport nysandaryn energııamen qatamasyz etý úshin Ermensaı, Shymbulaq, QazUÝ jáne Jańa kishi stansalary salyndy. Oǵan 22 mıllıard teńge bólindi. Qazir 220 kVt/s Keńsaı kishi stansasy salynyp jatyr. Ol paıdalanýǵa berilgen kezde qalanyń energokesheni sheńberlenip, elektr energııasyn úzdiksiz berýdi qamtamasyz etedi.