Bıyl Almaty ekonomıkasyniń kórsetkishteri ósti
Almaty ekonomıkasynyń negizgi salalarynda 2021 jyldyń 9 aıynyń qorytyndysy boıynsha ekonomıkalyq ósim joǵary. Máselen, qańtar-qyrkúıekte qysqa merzimdi ekonomıkalyq ındıkator 109%-dy kórsetti. Negizgi kapıtalǵa salynǵan ınvestıtsııalar kólemi 752,8 mlrd teńgege jetip, 117,8% boldy.
Kólik jáne logıstıka salasyndaǵy kórsetiletin qyzmetterdiń naqty kólem ındeksi 2020 jylǵy aqpannan bastap alǵash ret oń dınamıkany kórsetti jáne aǵymdaǵy jylǵy qańtar-tamyz aılarymen salystyrǵanda 2,5%-ǵa ulǵaıyp, 101,2% boldy. Ónerkásip salasynda óndirilgen ónim kólemi 1 trln teńgeden asty, NKI 120,1%. Bul rette ónerkásip ónimin óńdeý salasyndaǵy NKI 120,7 paıyzdy kórsetti. Sondaı-aq, elektrmen jabdyqtaý jáne ystyq sýmen qamtamasyz etý qarqynynyń 22,1%-ǵa, NKI-122,1%-ǵa óskeni baıqalady. Saýda salasynyń qalpyna keltirý ósimi jalǵasty. Qańtar-qyrkúıekte bólshek saýdanyń NKI 112,6%-dy, kólemi – 2 trln 948,8 mlrd teńgege jetti. Kóterme taýar aınalymynyń NKI-i 103,2%-dy qurady, al kólemi 7,6 trln teńge.
Baılanys qyzmetteriniń kólemi 13,9% ósimmen 437 mlrd teńge boldy. Bul ınternet jelisine qoljetkizýdi usyný boıynsha qyzmetter kóleminiń 16%-ǵa jáne uıaly baılanys qyzmetteri kóleminiń 11,5%-ǵa ósýine oraı iske asty. Toǵyz aıdyń qorytyndysy boıynsha 52,3 myń jumys orny quryldy, onyń ishinde turaqty jumys oryndary – 34,7 myń, ýaqytsha jumys oryndary 17,6 myń.
Almaty ákimi Baqytjan Saǵyntaev atalǵan salalarǵa jetekshilik etetin orynbasary Іlııas Óserovke jáne Strategııa jáne bıýdjet basqarmasynyń basshysyna Nur Otan partııasynyń saılaýaldy baǵdarlamasyn oryndaý boıynsha áleýmettik-ekonomıkalyq damýdyń boljamdy kórsetkishterine, nysanaly ındıkatorlarǵa jáne Jol kartasyna qoljetkizý máselesin baqylaýda ustaýdy tapsyrdy. Jylý berý maýsymynyń bastalýy jónindegi máseleni qaraý qorytyndysy boıynsha ákimniń orynbasary M. Ázirbaev aýdan ákimderimen, tıisti memlekettik organdarmen jáne qyzmettermen birlesip, jylý berý maýsymynyń ótýin erekshe baqylaýda ustaǵandary jón.
Órt qaýipsizdigin qamtamasyz etý maqsatynda Tótenshe jaǵdaılar departamentiniń basshysy R. Qasymbaevqa jeke turǵyn úı sektoryn aralaýdy jalǵastyrý, qaýipsizdik sharalary týraly túsindirý jumystaryn kúsheıtýdi tapsyrdy. Qala ákimi halyq sanaǵy máselesi boıynsha tıisti qyzmetterge Ulttyq bıýronyń statıstıka departamentimen birlesip sanaq naýqanyn ótkizý boıynsha jumysty jandandyrýdy tapsyrdy.
