Bıyl alǵashqy toqsanda bıýdjetke 5,7 trln teńge salyq tústi

ASTANA. QazAqparat – 2023 jylǵy І toqsanda shoǵyrlandyrylǵan bıýdjet (memlekettik bıýdjet jáne ulttyq qor) salyq túsimderi boıynsha 5 667,3 mlrd teńgege tolyqty, bul – ótken jylǵy uqsas kezeńimen salystyrǵanda 21,4% nemese 998,0 mlrd teńgege artyq, dep habarlaıdy QazAqparat Memlekettik kirister komıtetine silteme jasap.

Atap aıtqanda, Komıtet aqparaty kelesideı:

- Respýblıkalyq bıýdjetke 3 176,7 mlrd teńge tústi, 2022 jylǵy uqsas kezeńmen salystyrǵanda 23,2% nemese 599,1 mlrd. teńgege ósti.

- Jergilikti bıýdjetke 1 293,6 mlrd teńge tústi, 2022 jylǵy uqsas kezeńmen salystyrǵanda 24,2% nemese 252,0 mlrd teńgege ósti.

- Ulttyq qorǵa 1 197,1 mlrd teńge tústi, 2022 jylǵy uqsas kezeńmen salystyrǵanda 14,0% nemese 146,9 mlrd teńgege ósti.

2022 jyldyń uqsas kezeńmen salystyrǵanda respýblıkalyq bıýdjetke túsimderdiń úshinshi elderden ımportqa QQS boıynsha 2 ese, ishki óndiris taýarlaryna QQS 21,2%-ǵa, korporatıvti tabys salyǵy 20,7%-ǵa jáne EAEO elderinen ımportqa QQS 2,0%-ǵa ósýi baıqalady.

Túsimderdiń ósýine áser etken faktorlar bar. Máselen, 2023 jyly І toqsanda byltyrǵy jyldyń uqsas kezeńimen salystyrǵanda altynǵa 0,8% baǵanyń ósýi baıqalady. Úshinshi eldermen taýar aınalymy 2023 jylǵy І toqsanda 13,9%-ǵa ósti (eksport 6,7%-ǵa tómendedi, ımport 1,8 ese ósti). Sondaı-aq, EShF taýar aınalymy 8,8 trln.tengege nemese 27,7% ósti.