Bıyl alǵash ret óńirlerde jastardyń kadrlyq rezervi qurylady

ASTANA. QazAqparat – Memlekettik qyzmet isteri agenttiginiń tóraǵasy Darhan Jazyqbaev bıyl alǵash ret óńirlerde jastardyń kadrlyq rezervi jasaqtalatynyn aıtty, dep habarlaıdy QazAqparat tilshisi.

«Ózderińiz biletindeı, Prezıdenttik jastar kadrlyq rezervi bar. Onyń quramy bıyl taǵy tolyǵady. Jyl saıyn bilikti jastardyń memlekettik qyzmetke aralasýyna múmkindik usyný qajet. Sonymen qatar, bıyl birinshi ret óńirlerde jastardyń kadrlyq rezervin jasaqtaımyz», - dep baıandady agenttik tóraǵasy.

Qosa ketsek, Darhan Jazyqbaev bıyl naýryz aıynan bastap 5 memlekettik organǵa qyzmetkerlerdi qabyldaý onlaın júrgizilip jatqanyn aıtty.