Bıyl álemdik ekonomıkada munaıdy paıdalaný kúnine 1,3 mln. barrelge deıin artpaq
ASTANA. QazAqparat - 2014 jyly álemdik ekonomıkada munaıdy paıdalaný ótken jylmen salystyrǵanda budan bir aı buryn boljanǵandaı kúnine 1,4 mln. barrelge emes, 1,3 mln. barrelge deıin ǵana artady, dep jazady RBK Halyqaralyq energetıkalyq agenttik baıandamasyna súıenip.
Osylaısha, HEA ókilderi sáýir aıynda álemdik ekonomıkada munaıdyń tutynylý mólsheriniń artýyna qatysty boljamdaryn birshama tómendetti. Sóıte tura, 2014 jyly álemde munaıdyń tutynylý mólsheri esh ózgerissz qalyp, kúnine 92,7 mln. barreldi qurady.
Endi osy jyldyń ІІ toqsanyndaǵy qorytyndy boıynsha álemde munaıdyń birinshilik óńdelýi maýsymdyq faktorlardyń yqpalynan ótken toqsandaǵy kúnine 76,4 mln. barrelmen salystyrǵanda 75,9 mln. barrelge deıin tómendemek. Alaıda, 2013 jyldyń ІІ toqsanymen salystyrǵanda álemde munaıdyń birinshi rettik óńdelýi kúnine 900 myń barrelge deıin artpaq, dep boljaıdy HEA.
