Bıyl álemde jumyssyzdar sany 3 mln-ǵa artady – statıstıka

ASTANA. QazAqparat – Halyqaralyq eńbek uıymynyń (International Labour Organization) «Álemdik jumyspen qamtý jáne áleýmettik perspektıvalar: 2023 jylǵy úrdister» esebine sensek, bıyl álemde jumyssyzdyq deńgeıi arta túspek, dep habarlaıdy QazAqparat Ranking.kz resýrsyna silteme jasap.

Atalǵan uıymnyń deregine sáıkes ótken jyldyń sońynda álemdegi jumyssyzdar sany 205,2 mln adam bolǵan.

Bul - 2021 jylmen salystyrǵanda 11,2 mln, al pandemııa bastalǵan 2020 jylǵa qaraǵanda 30 mln az. Degenmen pandemııaǵa deıingi (2019 jyl) kezeńmen salystyrǵanda kórsetkish 13,3 mln adamǵa artyq.

Halyqaralyq eńbek uıymynyń bıylǵy boljamy boıynsha álemde jumyssyzdar sany 3 mln-ǵa ósip, 208,2 mln adamdy quraıdy, al 2024 jyly 210,9 mln adamǵa deıin ulǵaımaq.

Byltyr álemdegi jumyssyzdyq deńgeıi 5,8% qurady. Bul 2021 jylmen salystyrǵanda 6,2%, al pandemııa bastalǵan jylǵa qaraǵanda 6,9% tómen. Biraq 2019 jylmen salystyrǵanda 5,5% joǵary.

Sonymen qatar, HEU boljamyna s»ıkes 2023-2024 jyldary jumyssyzdyq deńgeıi ózgerissiz qalady (5,8%).

Genderlik turǵydan jumyssyzdyq deńgeıi boıynsha asa erekshelik joq. Byltyr áıelder arasynda 5,8%, al erler boıynsha 5,7% qurady.

Eger 2023-2024 jyldary jumyssyz erler kórsetkishi ózgermese, onda 2024 jyly áıelder arasynda jumyssyzdyq ulǵaıyp 5,9% jetedi.

Tabysy ártúrli memleketter boıynsha ótken jyly jumyssyzdyqtyń eń tómen deńgeıi tabysy joǵary elderde baıqaldy (4,5%). Sonymen qatar HEU atalǵan kórsetkish bıyl 4,9%-ǵa jáne 2024 jyly 5%-ǵa deıin degen boljam bar.

Odan keıin tabysy tómen elder ornalasqan jumyssyzdyq deńgeıi 5,8% qurady. Al 2023-2024 jyldary ol 5,7% jetedi dep boljanǵan.

Tabysy ortashadan joǵary elderde (Mysaly Qazaqstan, Reseı, Túrkııa) byltyr jumyssyzdyq deńgeıi 6%. 2023-2024 jyldarǵa arnalǵan boljam boıynsha jumyssyzdyq 5,8% tómendeıdi.

Tabysy ortashadan tómen elderde jumyssyzdyqtyń eń joǵary deńgeıi baıqaldy. (6,2%). Boljam boıynsha aldaǵy jyldary ol elderde úrdis ózgermeıdi.

Makroóńirler boıynsha ótken jyly Azııa-Tynyq muhıty óńiri elderinde jumyssyzdyqtyń eń tómen deńgeıi (5,2%) baıqaldy. 2023-2024 jyldary jaǵdaı saqtalyp, kórsetkish 5,1% tómendeıdi dep kútilýde.

Aıta ketý kerek, Ońtústik-Shyǵys Azııa elderinde 2022 jyly jumyssyzdyq deńgeıi 2,6%, Tynyq muhıty araldarynda — 3,6%, Shyǵys Azııada-4,6% al Ońtústik Azııada 7,2% qurady.

Batys jartysharda jumyssyzdyq deńgeıi ortasha 5,8% teń. Bıyl 6,1%-ǵa deıin jáne 2024 jyly 6,2% - ǵa deıin ósedi dep boljanýda.

Bul rette Latyn Amerıkasy men Karıb basseıni elderinde kórsetkish 7% quraıdy, al 2024 jyly ol 6,9%-ǵa deıin qysqarady.

Soltústik Amerıka elderinde (AQSh jáne Kanada) 3,8%, biraq 2023 jyly 4,7%-ǵa deıin, al 2024 jyly-5,1%-ǵa deıin óspek.

Eýropa men Ortalyq Azııa elderinde ótken jyly jumyssyzdyq deńgeıi 6,1% qurady.

Bıyl jáne keler jyly 6,3% ósýi múmkin. Sonymen qatar, Soltústik, Batys jáne Ońtústik Eýropa elderinde bul kórsetkish Shyǵys Eýropaǵa qaraǵanda 6,3% joǵary.

Ortalyq jáne Batys Azııa elderinde jumyssyzdyq deńgeıi 7,7%. Aldaǵy jyldary Soltústik, batys jáne Ońtústik Eýropa elderinde kórsetkish 6,6%, Shyǵys Eýropada 5,1% - ǵa deıin, al Ortalyq jáne Batys Azııada 7,8% ósýi boljanady.

Afrıka elderindegi jumyssyzdyq deńgeıi byltyr 7,1% qurady, bıyl kórsetkish ózgermeıdi. 2024 jyly 7%-ǵa deıin tómendeýi múmkin.

Sonymen qatar, jumyssyzdyq deńgeıi Soltústik Afrıka elderi men Saharanyń ońtústigindegi elder arasynda aıtarlyqtaı ózgermek.

Jumyssyzdyqtyń eń joǵary deńgeıi arab memleketterinde baıqaldy. Byltyr 9,3% qurady.

Sonymen qatar, Parsy shyǵanaǵy Arab memleketteriniń yntymaqtastyq keńesine (SSAGPS) kiretin elderde kórsetkish tek 4% qurady.

Sebebi munaı men gazdy negizgi eksporttaıtyn elder (Bahreın, Katar, Kýveıt, BAÁ, Oman jáne Saýd Arabııasy).

Yntymaqtastyq keńesine kirmeıtin Arab memleketterinde jumyssyzdyq deńgeıi álemdegi eń joǵary kórsetkishterdiń biri (14,3%) bolyp otyr.

Foto: ArTono/Shutterstock