Bıyl álem tennısshileri arasynda eń kóp tabys tapqan kim

ASTANA. QazAqparat – Kásibı tennısshiler qaýymdastyǵy (ATP) kóshbasshylarynyń 2022 jyly tapqan tabysy belgili boldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, ıspanııalyq Karlos Alkaras bir jylda 10 mln 102,330 myń dollar tabys tapty.

K.Alkaras bul jóninen kósh basynda tur. Serbııalyq Novak Djokovıch 9 mln 934,582 myń dollarmen ekinshi, taǵy bir ıspanııalyq Rafael Nadal (9 mln 368,326 myń dollar) úshinshi orynǵa shyqty.

Qazaqstandyq tennısshilerden Aleksandr Býblık ($1 134 817) alda keledi. Úzdik úshtikte Mıhaıl Kýkýshkın ($274 793) men Tımofeı Skatov ($142 866) bar.

Búgin jańartylǵan ATP reıtıngisinde Novak Djokovıch kósh bastasa, Karlos Alkaras ekinshi, grekııalyq Stefanos Tsıtsıppas úshinshi satyda.

Qazaqstandyq A.Býblık 50-ornynda qalsa, T.Skatov 127-den 125-ke kóterildi.

Eske sala keteıik, budan buryn Elena Rybakınanyń álemdik reıtıngide onynshy ornyn saqtap qalǵanyn jazǵan bolatynbyz.

Foto: CHARLES KRUPA/ASSOCIATED PRESS