Bıyl álem ekonomıkasynyń ósimi tómendeıdi – Halyqaralyq valıýta qory

ASTANA. QazAqparat – Negatıvti faktorlardyń kóptegen jıyntyǵy bıyl álem ekonomıkasynyń ósim qarqyny kútilgen deńgeıden tómen bolýyna alyp keledi. Saqtalyp otyrǵan joǵary ınflıatsııa, paıyzdyq stavkalardyń artýy jáne ekiushtylyq Halyqaralyq valıýta qoryn (HVQ) bıylǵa ekonomıkalyq ósim boljamyn tómendetýge májbúr etti. Degenmen, uıym sarapshylary optımıstik pikir bildirýde. QazAqparat bul týraly Euronews-ke silteme jasap habarlaıdy.

«Jahandyq ekonomıka pandemııa jáne Ýkraınadaǵy jaǵdaıdan keıin birtindep qalpyna kelý jolynda qalyp otyr. Qaıta ashylǵan Qytaı ekonomıkasynyń qalpyna kelýi qarqyndy. Jetkizý tizbegindegi buzýshylyqtar azaıyp, energetıka jáne azyq-túlik naryqtaryndaǵy kúızelister keri sheginýde», - dedi HVQ-nyń bas ekonomısi Per-Olıve Gýrınsha.

HVQ-nyń seısenbi kúni jarııalanǵan baıandamasynda málim etilgendeı, bıyl álemdik JІÓ ósimi – 2,8%, 2024 jyly 3% quraıdy. Bul qańtar aıyndaǵy boljamnan 0,1% tómen.

Sondaı-aq sarapshylar aldaǵy úsh jylda munaı baǵasy tómendeıtinin boljap otyr – bıyl 73 dollarǵa deıin, 2026 jyly 65 dollarǵa deıin.