Bıyl Aqtóbeden 1400 adam shetelge kóship ketti
AQTÓBE. QazAqparat - Aqtóbeden 1400 adam shetelge kóship ketti. Al 325 adam Qazaqstan azamattyǵyn aldy, dep habarlaıdy QazAqparat tilshisi.
Aqtóbege Ózbekstan, Reseı, Ázerbaıjan, Tájikstan, Qyzǵyzstan elderinen keletinder kóp. Bıyl 9 aı ishinde barlyǵy 34 myńnan astam adam kelip, tirkeldi.
«Shekara asyp kelgender arasynda kóshi-qon talaptaryn buzatyn adamdar da bar. Bıyl 1775 shetel azamaty ákimshilik jaýapkershilikke tartyldy, al 476 sheteldik elden shyǵaryldy. Elimizge sheteldikterdi alyp kelý erejesin buzǵan 239 qazaqstandyq jaýapkershilikke tartyldy. Aqtóbede zańsyz jumys istegen 687 sheteldik, sonymen qatar, sheteldik jumys kúshin zańsyz tartqan 102 jumys berýshi jaýapkershilikke tartyldy», - Aqtóbe oblysy ІІD Kóshi-qon qyzmeti basqarmasynyń syrtqy kóshi-qon bóliminiń bastyǵy Ulbıke Ýspanova.
Aıta keteıik, barlyǵy 325 sheteldik Qazaqstan azamattyǵyn qabyldady. Óńirge 402 shetel azamaty turaqty qonystansa, elimizden 1400 azamat basqa memleketterge birjola kóship ketti.
Eske salsaq, sheteldikterge memlekettik qyzmet kórsetýdi jaqsartý maqsatynda Aqtóbede kóshi-qon ortalyǵy ashyldy. Ortalyq "bir tereze" qaǵıdaty boıynsha jumys isteıdi.
