Bıyl Aqtóbede 1756 páter paıdalanýǵa beriledi - ákimdik
AQTÓBE. QazAqparat - Bıyl Aqtóbede 1756 páter paıdalanýǵa beriledi dep kútilýde. Bul týraly qala ákimdiginiń Facebook-paraqshasynda aıtylǵan, dep habarlaıdy QazAqparat.
Ákimdik taratqan málimetterge qaraǵanda, bıyl beriletin páter sany ótken jylmen salystyrǵanda 404 páterge artyq.
«Buny qala ákimi Mavr Abdýllınniń tóraǵalyǵymen ótken apparat jıynynda qalalyq qurylys bólimi basshysynyń orynbasary Aslan Jarasbaev málimdedi. Jıynda ótken jyly jasalǵan jumystartyń esebi talqylanyp, 2020 jyly salynatyn baspanalardyń jospary baıandaldy. Máselen, «Nur-Aqtóbe» turǵyndar alabynyń №4 shaǵyn aýdanynda 9 qabatty úıdiń qurylysy aıaqtalyp, nátıjesinde 940 páter beriledi. Odan bólek, osy aýdandaǵy 9 qabatty №23 úıge tolyǵymen qarajat bólindi. Qurylys bıyl aıaqtalsa, jalpy aýdany 10,6 myń sharshy metrdi quraıtyn 159 páter daıyn bolady»,-delingen habarlamada.
Sonymen qatar onda «Nur-Aqtóbe» turǵyn alabynyń aýmaǵynan 9 qabatty 3 sektsııaly №27 úı qurylysy bastalatyny aıtylady. Nátıjıesinde 135 páterdi ázir etý josparlanyp otyr. Sondaı-aq 2019 jyly qurylysy aıaqtalmaǵan 11 az qabatty turǵyn úıge tolyǵymen qarajat bólinip, bıyl 657 páter paıdalanýǵa beriledi.
