Bıyl Aqtóbe oblysynda joldy jóndeýge qansha qarjy jumsalady
NUR-SULTAN. QazAqparat - Aqtóbe oblysynyń joldaryn jóndeýge 21,3 mlrd teńge bólingen, dep habarlaıdy QazAqparat.
Bul týraly Aqtóbe oblysynyń ákimi Ońdasyn Orazalın ortalyq kommýnkatsııalar qyzmetinde ótken baspasóz konferentsııasynda aıtty.
«Bıyl jol jóndeý salasynda 21,3 mlrd teńgege 100 jobany iske asyrý josparlanǵan. Respýblıkalyq bıýdjetten 10,5 mlrd teńgege jýyq, jergilikti bıýdjetten 11 mlrd teńge bólinip otyr. «Nurly jol, «Óńirlerdi damytý» baǵdarlamasy da osy jobalarmen qamtylǵan. Onyń ishinde jodarmen birge aýlalardy jóndeý, kóshelerge asfalt tóseý jobalary da bar. Ókinishke qaraı, táýelsizdik alǵannan beri qalada aýlalar jóndeý kórmegen. Tek byltyrdan beri qolǵa alynyp jatyr. Qala turǵyndary jaqsy qoldap otyr», - degen ákim bıyldyń ózinde 200 aýlaǵa asfalt tóselip, kólik turaqtary, oıyn jáne sport alańqaılar jabdyqtalatynyn atady.
«Aqtóbe úlken qala ekenin túsinýlerińiz kerek. Qazir halyq sany jarty mıllıonnan asyp, 600 myńǵa jaqyndap qaldy. Aýdany da úlken. Jóndegimiz keletin kóshelerdiń uzyndyǵy 10 shaqyrymǵa deıin sozylyp jatyr. Mysaly, Q.Sátpaev atyndaǵy kósheniń uzyndyǵy – 9,8 shaqyrym. Kóshe sońǵy 20 jylda jóndeý kórmegen. Al Bógenbeı batyr dańǵylynda eshqashan bordıýr de, trotýar da bolmaǵan. Osyndaı 10 shaqyrymdyq kósheler kóp. Birine trotýar, birine brodıýr tóseý kerek, taǵy birine tolyqqandy jaryq tartý qajet. Qazir №41 razzedegi ońtústik aınalma jolyń problemasy ózekti bolyp tur. Joba úsh jyldan beri sozylyp kele jatyr. Osnydaı aýqymdy jobalar bar. Bıyl kirpish zaýytyna aparatyn joldy jóndep bastaımyz. Aqsha bilngen. Úkimet bul máselede qoldap otyr», - dedi Ońdasyn Orazalın.
