Bıyl Aqtaýdan Dýbaıǵa ushatyn jańa reıs ashylady
Mańǵystaý oblysynyń ákimi Eraly Toǵjanov bastaǵan Mańǵystaý delegatsııasynyń Birikken Arab Ámirlikterine iskerlik sapary aıasynda Aqtaý jáne Dýbaı qalalary arasynda jańa áýe qatynasyn engizý týraly memorandýmǵa qol qoıyldy.
Qujatqa Aqtaý áýejaıynyń jáne «Fly Dubai» áýe kompanııasynyń basshylyǵy qol qoıdy. «Fly Dubai» áýe kompanııasy 2018 jylǵy qazannan bastap 2018/2019 jj. maýsymyna Dýbaı-Aqtaý-Dýbaı jańa turaqty áýe reısin ashady.
«Aqtaý halyqaralyq áýejaıy» AQ tıisti áýejaılyq jáne jerústi qyzmetterin kórsetýdi uıymdastyrýǵa, tıimdi baǵa saıasatyn qalyptastyrýǵa qolǵabys jasaıdy.
Jańa áýe qatynasy Birikken Arab Ámirlikterine Qazaqstannan jáne onymen shekaralas elderden (Reseı, Túrikmenstan, Ózbekstan) keletin týrıster aǵynyn, sonymen qatar Aqtaý halyqaralyq áýejaıy arqyly tranzıttik jolaýshylar sanyn arttyrýǵa septigin tıgizedi.
