Bıyl «Aqtaý teńiz aılaǵy» AEA-da quny 5 mlrd. teńgeni quraıtyn 5 joba iske qosylady
ASTANA. QazAqparat - Bıyl «Aqtaý teńiz aılaǵy» arnaıy ekonomıkalyq aımaǵynda jalpy quny 5 mlrd. teńgeni quraıtyn 5 joba iske qosylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Investıtsııalar jáne damý vıtse-mınıstri Erlan Saǵadıev málim etti.
«Búgingi tańda Aqtaý teńiz portynda jumys istep turǵan 5 ınvestor 9,5 mlrd. teńge salyq tóleýi tıis jáne biz jyl sońyna deıin shamamen 5 mlrd. teńge somaǵa taǵy 5 jobany iske qosýdy josparlap otyrmyz», - dedi vıtse-mınıstr.
Onyń atap ótýinshe, atalǵan arnaıy ekonomıkalyq aımaqtyq ınfraqurylymy tek 2009 jyly ǵana salyna bastaǵan.
«Aýmaǵy 200 gektardy quraıtyn alǵashqy alańdy biz tek 2012 jyly ǵana tapsyrdyq. Bul maqsatqa 7 mlrd. teńge bólindi. 2015 jyly jalpy somasy 13,4 mlrd. teńgeni quraıtyn taǵy 9 jobany iske josý josparlanýda. Bizdiń oıymyzsha, 2-3 jyldyń ishinde alǵashqy alań ınvestorlarǵa lyq tolatyn bolady», - dedi E.Saǵadıev.
