Bıyl aqsha-nesıe jaǵdaıy jumsarady degen úmit bar - Ulttyq bank
ASTANA. QazAqparat - Qazaqstannyń Ulttyq banki qarjylyq naryqta bazalyq mólsherlemege qatysty sheshimdi qabyldaý barysynda naqty ekonomıkada qalyptasyp jatqan jaǵdaıǵa da jiti nazar aýdaryp otyr. Ekonomıkanyń jandanýyn bildiretin keıbir belgilerdiń qylań berýi, elde iskerlik belsendiliktiń artqanyn bildiredi. Bul týraly búgin Almatyda televızııalyq arna tilshilerine arnalǵan brıfıng kezinde Qazaqstan Ulttyq bankiniń tóraǵasy Danııar Aqyshev habarlady.
Onyń sózinshe, «bazalyq salalardyń damýy qysqamerzimdi ekonomıkalyq ındıkatorlary ósim ústinde jáne 2017 jyly 2013 jyldan beri óziniń maksımaldy kórsetkishine jetti - 103,7%.
«Tutyný suranysy artyp keledi jáne ary qaraı da arta beredi degen senim bar», - dep atap ótti D. Aqyshev.
Ulttyq bank basshysy 2017 jáne 2018 jyldary ınflıatsııa óziniń boljamdy dálizinde saqtalatynyn da habarlady.
«Inflıatsııanyń naqty deńgeıi biz boljaǵan deńgeıde saqtala beretin bolsa, aqsha-nesıe jaǵdaıynyń jumsarýy 2017 jyldyń ekinshi jartysynda oryn alady dep kútilýde», - dedi ol.
Bunyń aldynda habarlaǵanymyzdaı, Ulttyq Bank bazalyq mólsherlemeni burynǵy 11% deńgeıinde qaldyrdy.
