Bıyl «Aqparatty Qazaqstan» baǵdarlamasy qabyldanady

«Qurmetti Nursultan Ábishuly! Ulystyń uly kúninde, ózińiz salǵan  Astananyń tórinde dıdarlasyp otyrmyz. Óıtkendi saralaıtyn, keleshektiń kelbetin daralaıtyn, bar men joqty baǵalaıtyn jaqsy úrdisińiz bar. Bizdi qabyldap otyrǵanyńyzǵa rahmetimizdi aıtamyz. Ruqsat etseńiz, alǵashqy saýaldy bastasam. Mynaý bıylǵy Joldaýda elimizdiń úshinshi jańǵyrtýyn bastaý týraly aıtyldy. Ony iske  asyrý barysynda  qandaı syn-qaterler bolady? Myna qazirgideı kúrdeli jaǵdaıda transformatsııalaý men tsıfrlaýdyń qanshalyqty tıimdiligi bar? Osy jóninde aıtsańyz», - dedi  Elbasyna alǵashqy saýal qoıǵan «Aıqyn» gazetiniń bas redaktory Nurtóre Júsip.

«Sender umytyp ketesińder. 2050 jylǵa deıingi strategııalyq baǵdarlama jasaǵan kezde osy jolymyzda, amanshylyq bolsa 10 qater, qıyndyqtar bar dep men bárin aıtyp ketkenmin. Ol neden shyǵady? Endi bolashaqtyń máselesi bir Allanyń qolynda. Degenmen, jaǵdaıymyzǵa qarap otyryp, boljaý jasaýǵa bolady. Sol boljaýdaǵy qaterler neden shyǵady? Bizdiń Qazaqstannyń geografııalyq turǵan jerinen shyǵady. Tóńiregimizdegi kórshilerimizdiń jaǵdaıynan shyǵady. Dúnıe júzindegi ekonomıkadan shyǵady. Іshimizdiń tynyshtyǵynan shyǵady. Kórshilerimizdiń aman-esen bolýynan shyǵady.  Barlyǵynan shyǵady. Ekonomıkamyzdyń burynnan qısaıyp kele  jatqan jaǵy bar, bir jaqty bolyp. Sodan shyǵady. Sondyqtan osylardyń barlyǵy bolady», - dedi QR Prezıdenti saýalǵa jaýap bere kele.

Memleket basshysy qazirgi alǵan baǵytymyzdan taımaı, alǵa qaraı ilgerileı bersek,  alǵa qoıǵan maqsattarymyzǵa qol jetkizetindigimizdi basa aıtty.

«Máselen, aıtyp otyrǵan tsıfrlandyrý, ekonomıka máseleleri bar.  Byltyr bir jyldyń ishinde bizdiń eksporttyq taýarlarymyz úsh ese tómendep ketedi dep eshkim de oılaǵan joq. Dúnıejúzindegi belgili, uly sarapshylardyń eshqaısysy  bul daǵdarysty aıtqan joq. Biz qorjynymyzǵa túsetin qarajattyń paıyzynan  aıyrylyp qaldyq. Egerde biz burynnan qor jasap, osyǵan qamdanbasaq, osyny kútpesek elimizde qazirgi jaǵdaı óte nashar bolar edi. Al endi qazirgi Joldaýdy úshinshi ındýstrııaldyq baǵdarlama dep otyrmyz. Birinshi ındýstrııany ary qaraı jalǵastyrý kerek, shaǵyn jáne orta bıznesti damytý kerek, áleýmettik jaǵdaıdy túzeý kerek. Bilim berý, densaýlyq saqtaý máseleleri jáne ishimizdegi kemshilikterdi joıý kerek dep aıttyq. Sondyqtan Úkimetke Aqparatty Qazaqstan degen baǵdarlama daıyndaý jóninde tapsyrma berildi. Ol daıyndalyp, bıyldyń ortasynda qabyldanady. Bul óte yńǵaıly nárse. Biz mundaıdy áli jasap kórgenimiz joq. Jańadan iske kiriseıik dep otyrmyz», - dedi Elbasy jaýabynda.

Nursultan Nazarbaev óz sózinde búginde elimizde shetelden oqyp kelgen, shet tilin biletin jastardyń kóp ekendigin basa aıtty.