Bıyl aqmolalyqtar 5 mln tonnadan astam astyq jınaýdy mejelep otyr
KÓKShETAÝ. QazAqparat - Bıyl aqmolalyq dıqandar 5 mıllıon tonnadan astam astyq jınaýdy mejelep otyr, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Bıyl oblys boıynsha 4,7 mln gektar alqapqa egin egilgen. Onyń ishinde 4,3 mln gektary dándi daqyldar, 279 myń gektary maıly daqyldar, 174,4 myń gektary mal azyǵy, 17,9 myń gektarǵa kartop jáne 4,1 myń gektaryna kókónis otyrǵyzylǵan. Osy kúni astyqtyń shyǵymy jaman emes. Ártaraptandyrý sheńberinde oblysta sońǵy jyldary paıdasy mol daqyldardyń kólemi 400 myń gektardy qurady. Bıylǵy jyldyń ózinde osyndaı daqyldardyń kólemi ótken jylmen salystyrǵanda 150 myń gektarǵa ulǵaıyp otyr.
«Bıyl oblys kúzgi egin oraǵyna tolyqtaı daıyn. Tehnıkalyq bazanyń da naýqanǵa ázirligi kóńilden shyǵady. Janar-jaǵar maı máselesi de sheshilýde. Sońǵy kúnderi aýa raıy da jaıly bolýda. Sol sebepti kúzde egin jınaý jumystaryn qysqa merzim ishinde aıaqtaýdy josparlanyp otyr. Osy baǵytta naýqanǵa 8,5 myń kombaın tartylady. Onyń ishinde 3,3 myńy ónimdiligi joǵary kombaındar. Jalpy, oblys dıqandary bıyl 5 mln tonnadan astam astyq jınaýdy kózdep otyr», - dep kórsetilgen habarlamada.
