Bıyl Aqmola oblysynda oblystyq mańyzdaǵy 740 km jol jóndeledi
KÓKShETAÝ. QazAqparat - Bıyl Aqmola oblysynda oblystyq mańyzdaǵy 740 km jol jóndeledi, dep habarlaıdy QazAqparat tilshisi Aqmola oblystyq ishki saıasat basqarmasyna silteme jasap.
Basqarma taratqan derekterge qaraǵanda, bıyl 740 km oblystyq, 338,1 km aýdandyq mańyzy bar avtojoldar men 404,2 km eldi mekenderdiń kóshe-jol jelilerin jóndeý josparlanǵan.
Aqmola oblysynyń jalpy paıdalanymdaǵy avtomobıl joldarynyń uzyndyǵy – 7 890,5 km, onyń ishinde respýblıkalyq mańyzy bar – 2 264,5 km, oblystyq mańyzy bar – 2 661 km, aýdandyq mańyzy bar – 2 965 km quraıdy.
Aqmola oblysyna qarasty Stepnogorsk qalasynyń ákimi óńirlik kommýnıkatsııalar qyzmetinde 2021 jyldyń 1 toqsanynyń qorytyndylary boıynsha áleýmetti-ekonomıkalyq damýyna arnalǵan brıfıngte 2020 jyly óńirde 11,1 shaqyrymnan astam jergilikti mańyzy bar joldardyń qalypqa keltirilgenin aıtty.
Kólik kommýnıkatsııalaryn tıisti jaǵdaıda ustaý úshin qalada maqsatty jumystar júrgizilýde. Jergilikti bıliktiń nazary osy máselelerdi sheshýge baǵyttalǵan.
Qala basshysynyń aıtýynsha, osy salada aǵymdaǵy jylǵa naqty mindetter aıtyldy.
Aıtap aıtqanda, bıyl «Stepnaıa kóshesinen Stepnogor-Azat tasjolyna deıingi 20 shaǵynaýdan tas jolynyń ýchaskesin qaıta qurý» jáne «Saryarqa kóshesinen Tselınogradskaıa kóshesine shyǵý jolyn qaıta qalpyna keltirý» jobalary aıaqtalýda, jalpy aýdany 32 myń sharshy metrdi quraıtyn qalalyq joldardy jáne shaǵynaýdandardyń ishin jóndeý boıynsha jumystar jalǵasyn tabady.
