Bıyl Aqmola oblysynda 616 myń sharshy metr baspana paıdalanýǵa beriledi
KÓKShETAÝ. QazAqparat - Bıyl Aqmola oblysynda 616 myń sharshy metr baspana nemese 28 jańa turǵyn úıdi paıdalanýǵa berý josparlanyp otyr. Onyń 17-si jalǵa beriletin, 11-i kredıttik úı, dep habarlaıdy QazAqparat tilshisi.
«7-20-25» baǵdarlamasy boıynsha 1112 otbasy turǵyn úı alý múmkindigine ıe boldy. Halyqtyń áleýmettik osal toptaryn turǵyn úımen qamtamasyz etý boıynsha jumys kezeń-kezeńmen jalǵasýda.
Elbasynyń bastamasymen qolǵa alynǵan «Baqytty otbasy» baǵdarlamasy aıasynda 2020 jyldyń qorytyndysy boıynsha 282 ótinim qabyldanyp, onyń 181-i maquldandy. Az qamtylǵan kópbalaly otbasylarǵa 98 páter jalǵa berildi.
Naqtyraq aıtsaq, Stepnogorsk qalasy men Tselınograd aýdanynda – 30 páterden, Atbasar aýdanynda – 16, Esil aýdanynda – 12, Birjan sal aýdanynda – 10 páter», - dep atap ótti aımaq basshysy Ermek Marjyqpaev onlaı rejımde ótip jatqan óńirdiń áleýmettik-ekonomıkalyq damýynyń qorytyndysy týraly esep berý kezdesýinde.
Aımaq basshysynyń aıtýynsha, óńirde turǵyn úı qurylysy bıylǵy jyly da joǵary qarqynmen júrgizilmekshi.
«Aǵymdaǵy jyly turǵyn úı qurylysy salasynda sapaly «serpilis» jasap, shamamen 616 myń sharshy metr turǵyn úıdi iske qosýdy josparlap otyrmyz, bul 28 jańa turǵyn úı (onyń 17 jalǵa beriletin, 11 kredıttik úı)», - dep tolyqtyrdy Ermek Marjyqpaev.
