Bıyl Aqmola oblysynda 60 eldi mekenniń eski ataýy qaıtarylady
Konferentsııaǵa tarıh ǵylymdarynyń doktory, professor Jambyl Artyqbaev, Eýrazııa ulttyq ýnıversıtetiniń professory, tarıh ǵylymdarynyń doktory Tursynhan Zákenuly, Sh.Ýálıhanov atyndaǵy Kókshetaý ýnıversıteti qazaq fılologııasy kafedrasynyń professory Sábıt Jámbek, sondaı-aq onlaın rejımde Ózbekstan Ǵylym akademııasy ulttyq arheologııa ortalyǵynyń professory Gaıbýlla Babaıarov qatysyp, baıandama jasady.
Osy rette aımaq basshysynyń orynbasary Altynaı Ámirenova túbi bir túrki halyqtary jazbalary kúnine arnalǵan sharanyń mańyzyna toqtala kele, óńirde birqatar eldi meken ataýlaryn ózgertý boıynsha aýqymdy jumys júrip jatqanyn atap ótti.
«Halqymyzda «Jerińniń aty - babańnyń haty» degen danalyq sóz bar, bul sózdiń de túp tórkini túrki jazbalarynda jatqany anyq. Máselen, Aqmola oblysy aýmaǵynda kezdesetin Qorǵaljyn, Ajy, Damsa, Dombyraly ataýlary sózimizge dálel bola alady. Aqmola oblysynda onomastıka salasynda kóptegen ıgilikti ister atqarylyp jatyr. Qazirgi bizdiń negizgi mindetimiz - eldi mekenderdiń tarıhı ataýyn qaıtarý. Bul baǵytta Omby arhıvinen tabylǵan kóne kartalardaǵy eldi meken ataýlary zerttelip te jatyr. Atap aıtsam, 2022 jyly oblystyq onomastıka komıssııasy 27 eldi mekenniń eski ataýyn qaıtarýǵa kelisim berdi. Bıyl ıdeologııalyq turǵydan eskirgen 60 eldi mekenniń ataýyn ózgertýdi josparlap otyrmyz. Bul baǵyttaǵy jumys júıeli júrgizile beredi», - dedi Altynaı Ámirenova.
Aıta ketsek, budan buryn Aqmola oblysyna qarasty eki aýyldyq okrýgtiń ataýy ózgeretinin jazǵan edik.
