Bıyl Aqmola oblysynda 570 myń sharshy metr turǵyn úı paıdalanýǵa beriledi

NUR-SULTAN. QazAqparat – Aqmola oblysyda bıyl 570 myń sharshy metr turǵyn úı paıdalanýǵa beriledi. Bul týraly óńir ákimi Ermek Marjyqpaev aıtty dep habarlaıdy QazAqparat tilshisi.

«Turǵyn úı qurylysynyń salasynda da oń qarqyn saqtalýda. «Nurly jer» baǵdarlamasy iske asyrylǵan sátinen bastap, úsh jylda shamamen 1,5 mln sharshy metr turǵyn úı salyndy, 13 myń otbasy páter máselesin sheshti», - dedi ákim Ortalyq kommýnıkatsııalar qyzmetinde.

Onyń aıtýynsha, bıylǵa josparlanǵan 570 myń sharshy metrdiń (5 myńnan astam páter) 455 myń sharshy metri paıdalanýǵa berildi (3 668 páter).

Jalpy jalǵa beriletin turǵyn úı jáne demeýshilik qarajat esebinen bıyl 500 az qamtylǵan otbasyn turǵyn úımen qamtamasyz etý josparlanyp otyr.