Bıyl Aqmola oblysynda 5 myńnan astam páter paıdalanýǵa beriledi
NUR-SULTAN. QazAqparat – Bıyl Aqmola oblysynda 5 myńna astam páter paıdalanýǵa beriledi. Bul týraly óńir ákimi Ermek Marjyqpaev óńirdegi mal basy artqanyn málim etti, dep habarlaıdy QazAqparat tilshisi.
«Turǵyn úı qurylysynyń salasynda da jaqsy nátıje saqtalyp otyr. «Nurly jer» baǵdarlamasy iske asyrylǵan sátinen bastap, úsh jylda shamamen 1,6 mln sharshy metr turǵyn úı salyndy, 14 myń aqmolalyq otbasy páter máselesin sheshti», - dedi ákim Ortalyq kommýnıkatsııalar qyzmetinde.
Onyń aıtýynsha, bıyl turǵyn úı qurylysy salasynda serpilis bolmaq, osy oraıda 665 myń sharty metr baspana paıdalanýǵa beriledi, ıaǵnı 5 myń astam páter tabystalady. Qazirgi kezde 200 myń sharshy metri nemese 1300-den astam páter paıdalanýǵa berildi.
«Memlekettik ınvestıtsııa esebinen 71 úı (3 161 páter) salynyp jatyr, onyń ishinde 34 úı bıyl tapsyrylady. Qoljetimdi baspana qurylysynyń aýmaǵy keńeıip keledi. Bul rette 9 aýdan, sondaı-aq Kókshetaý men Stepnogor qalalary qamtyldy», - dedi E. Marjyqpaev.
Onyń sózine qaraǵanda, áleýmettik turǵyda osal toptar úshin jalǵa beriletin 551 páter bólinedi, sonyń arasynda 179 páter kópbalaly otbasylarǵa tıesili bolady.
