Bıyl Aqmola oblysynda 3 balabaqshanyń qurylysy bastalady
KÓKShETAÝ. QazAqparat – Aqmola oblysynda 1-6 jastaǵy 33 myńnan astam bala mektepke deıingi tárbıemen qamtylǵan, Jospar boıynsha barlyǵy 75,4 paıyz bolsa, bul 77,6 paıyzdy qurady, dep habarlaıdy QazAqparat tilshisi oblystyq bilim basqarmasynyń baspasóz qyzmetine silteme jasap.
Vedomstvonyń málimetinshe, 2020 jyly 634 jańa oryn ashyldy, ıaǵnı 481 orynǵa arnalǵan 7 mektepke deıingi uıym ashyldy.
Onyń ishinde 153 orynǵa 5 balabaqsha keńeıtildi. Shortandy aýdany Tóńkeris aýylynda 140 oryndyq balabaqsha qurylysy júrgizilýde.
Sondaı-aq, 840 oryndyq 3 balabaqsha qurylysy jalǵasyp jatyr.
Onyń ekeýi Tselınograd aýdanynda jáne Kókshetaý qalasynda 280 oryndyq sóıleý qabileti buzylǵan balalarǵa arnalǵan bir balabaqsha.
«2021 jyly taǵy 3 balabaqsha qurylysyn bastaýǵa qarajat bólindi. Bul - Tselınograd aýdanynyń Qoıandy aýylynda, Kókshetaý qalasynyń Krasnoıar aýylynda jáne Kóktem shaǵynaýdanyndaǵy mobıldiligi az toptarǵa arnalǵan balabaqsha» dedi vedomstvodan.
Sonymen birge, mektepke deıingi bilim salasyna bıznes belsendi tartylyp otyr.
Jekemenshik mektepke deıingi uıymdardyń sany 119 deıin artty, onyń arqasynda 11 myńnan astam oryn quryldy.
«Memlekettik-jekemenshik áriptestik sheńberinde mektepke deıingi bilim júıesine tartylǵan 800 mıllıon teńgeden astam ınvestıtsııa esebinen 13 joba iske asyrylýda. 1 jastan 6 jasqa deıingi balalardy qamtýdy ulǵaıtý maqsatynda 2021 jyly 37 bóbekjaıdy balabaqshaǵa aýystyrý josparlanyp otyr. Sondaı-aq, 86 balabaqshada erekshe qajettiligi bar balalardy tárbıeleý jáne oqytý úshin jaǵdaı jasalǵan» dep tolyqtyrdy vedomstvodan.
