Bıyl Aqmola oblysynda 260 km sýmen jabdyqtaý jelisi jańartylady
Oblystyq energetıka jáne turǵyn úı-kommýnaldyq sharýashylyǵy basqarmasynyń málimetinshe, óńirde aýyl halqynyń 88,9 paıyzy sýmen jabdyqtaý qyzmetterimen qamtylǵan. 177 aýyldyq eldi-mekenderdi sapaly aýyz sýmen qamtamasyz etý maqsatynda 2022-2025 jyldary 74 eldi-mekende sýmen jabdyqtaý júıelerin salý, 72-de quramdastyrylǵan blok-modýlderdi (KBM) ornatý josparlanýda. 2021 jyly 6 sýmen jabdyqtaý nysany iske qosyldy, 221 shaqyrym sýmen jabdyqtaý jelisi salyndy jáne qaıta jańartyldy.
«Jyl qorytyndysy boıynsha halyq sany 2,3 myń adam turatyn 3 eldi meken (Atbasar aýdanynyń Beıs Haziret, Tselınograd aýdanynyń Shubar jáne Farfor aýyldary) ortalyqtandyrylmaǵan sanattan ortalyqtandyrylǵan sýmen jabdyqtaý sanatyna aýystyryldy, halyq sany 13,4 myń adamdy quraıtyn 14 aýylda quramdastyrylǵan blok-modýlder (KBM) ornatyldy», - dedi Aqmola oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Danııar Qýanyshbaev.
Sonymen birge, ekologııalyq problemalardy sheshý úshin Şýche-Býrabaı kýrorttyq aımaǵynda 15,1 mıllıard teńgeden astam somaǵa 8 joba iske asyrylýda. Bul 2022 jylǵa qaraı Şýche qalasyn, Býrabaı jáne Qatarkól kentterin, sondaı-aq kýrorttyq aımaqtaǵy saýyqtyrý oryndary men shıpajaılardy ortalyqtandyrylǵan sýmen jabdyqtaýdy jáne sý burýdy tolyq qamtamasyz etýge múmkindik beredi.
«2022 jyly halyq sany 6,7 myń adamnan asatyn 7 aýylda ortalyqtandyrylǵan sýmen jabdyqtaýǵa qoljetimdilikti ulǵaıta otyryp, 13 eldi mekende 13 jobany iske asyrý aıaqtalady. Sonymen birge, oblys boıynsha barlyǵy 260 km sýmen jabdyqtaý jelisin salý jáne qaıta jańartý josparlanýda», - dep túıindedi Danııar Qýanyshbaev.
