Bıyl Aqmola oblysynda 18 aýyl sharýashylyǵy kooperatıvi qurylady
KÓKShETAÝ. QazAqparat - Aqmola oblysynda usaq sharýashylyqtar aýyl sharýashylyǵy kooperatıvterine birigýde. Bul týraly óńirlik kommýnıkatsııalar qyzmetinde ótken brıfıng barysynda oblystyq aýyl sharýashylyǵy basqarmasy basshysynyń orynbasary Qasym Itqusov aıtty, dep habarlaıdy «QazAqparat» HAA tilshisi.
Onyń aıtýynsha, aýyl sharýashylyǵy kooperatıvi - bul 2017 jáne 2021 jyldarǵa arnalǵan agroónerkásip keshenderin damytýdaǵy memlekettik baǵdarlamanyń basym baǵyttarynyń biri bolyp otyr.
«Aqmola oblysy aýmaǵynda asyl tuqymdy mal sharýashylyǵyn damytýda aýyl sharýashylyǵyn kooperatıvterin qurý durys jolǵa qoıylǵan. Ótken jyldyń qorytyndysy boıynsha 16 myń usaq sharýashylyqtar biriktirlip, 185 kooperatıv quryldy. 2016 jyly olar 800 mıllıon teńge kóleminde memlekettik qoldaýǵa ıe boldy», dedi Q.Itqusov.
Al, QR Aýyl sharýashylyǵy mınıstrliginiń qarjylaı qamtamasyz etý departamentiniń sarapshysy Askar Shaıkın bolsa, jańa baǵdarlama atalǵan kooperatıvterdi sýbsıdııalaý arqyly aýyl sharýashylyǵy ónimderinen túsken tabystan jalpy respýblıka boıynsha aýylǵa 300 mıllıard tabys ákeletinin atap ótti.
Aıtalyq kooperatıvter sút, et, jemis-jıdek jáne kókónis jınaý tárizdi negizgi baǵyttar boıynsha qurylady. Sarapshylardyń deregi boıynsha 5 jyldyń ishinde respýblıka boıynsha 500 myń usaq sharýashylyqtar kooperatıvterge birigetin bolady. Bul baǵytta Aqmola oblysynda 2017 jyly taǵy qosymsha 18 aýyl sharýashylyǵy, 180 mal bordaqylaý alańy jáne 18 sýt qabyldaý orny qurý josparlanǵan.
